[បរទេស] ក្រុមហ៊ុនផលិតរថយន្ត Mitsubishi បានធ្វើការដាក់បង្ហាញចេញនៅរូបភាព Teaser របស់រថយន្ត Mitsubishi Outlander ស៊េរីឆ្នាំ ២០២៥ មុខមាត់ថ្មី ប្រភេទ Plug-in hybrid នឹងធ្វើឲ្យប្រសើរឡើងជាងមុន គ្រោងនឹងបង្ហាញខ្លួនជាផ្លូវការនៅចុងឆ្នាំ ២០២៤ នេះ ។
សម្រាប់ផ្នែកខាងក្រៅរបស់ Mitsubishi Outlander ស៊េរីឆ្នាំ ២០២៥ ទទួលបានផ្នែកខាងមុខថ្មី ជាមួយបច្ចេកវិទ្យាទំនើបជាងមុន ព្រមទាំងទទួលបានថាសកង់ឌីស្សាញថ្មីទំហំ ២០អ៉ីញជាដើម ។
ចំពោះនៅផ្នែកខាងក្នុងវិញ ទទួលបានការធ្វើឲ្យប្រសើរឡើងយ៉ាងខ្លាំ ត្រូវបានផ្តល់ជូនជាមួយនឹងកៅអីស្បែកប្រភេទ semi-aniline ដែលមានខ្យល់ចេញចូល រួមទាំងអេក្រង់កំសាន្ត touchscreen ទំហំ ១២,៣អ៉ីញថ្មី ជំនួសអេក្រង់ទំហំ ៩អ៉ីញ និងឧបករណ៍បំពងឡេងម៉ាក Yamaha ផងដែរ ។
ទាក់ទងទៅនឹងផ្នែកម៉ាស៊ីនវិញ Mitsubishi Outlander ស៊េរីឆ្នាំ ២០២៥ នឹងបំពាក់ជាមួយកញ្ចប់អាគុយថ្មី ដែលអាចបើកបរបានចម្ងាយឆ្ងាយជាងមុនដោយថាមពលអគ្គិសនីសុទ្ធ ៕
