NHTSA បើកការស៊ើបអង្កេតលើឡាន Ram ចំនួន ៦០ម៉ឺនគ្រឿង ព្រោះបញ្ហារលត់ជាប់គាំង

រដ្ឋបាលសុវត្ថិភាពចរាចរណ៍ផ្លូវគោកជាតិហៅកាត់ថា NHTSA បានធ្វើការបើកការស៊ើបអង្កេតលើរថយន្ត Ram ចំនួន ៦០០ ០០០គ្រឿង ដែលដំណើរការដោយម៉ាស៊ីនម៉ាស៊ូតចំណុះ ៦,លីត្រ ដោយសារមានបញ្ហារលត់ជាប់គាំង បន្ទាប់ពីទទួលបានពាក្យបណ្តឹងចំនួន ២២ផ្សេងគ្នាទាក់ទងនឹងបញ្ហាបូមប្រេង។

យោងតាមសេចក្តីថ្លៃងការដែលបានចេញផ្សាយនៅថ្ងៃទី ១៨ ខែតុលាកន្លងទៅនេះ ការបើកការស៊ើបអង្កេតលើរថយន្ត Ram ទាំង ៦០០ ០០០គ្រឿងនេះ ត្រូវបានប៉ះពាល់ដល់រថយន្ត​ Ram សេរ៊ីឆ្នាំ២០១៩ និង ២០២០ ដោយមានម៉ូឌែល 2500, 3500, 4500 និង 5500។

ផ្ទាំងផ្សាយពាណិជ្ជកម្ម

ចំពោះការស៊ើបអង្កេតរបស់ NHTSA នឹងផ្តោតសំខាន់ទៅលើការឡើងសម្ពាធខ្ពស់នៃបូមប្រេង (High-pressure fuel pumps)។ យោងតាមពាក្យបណ្តឹងដែល NHTSA ទទួលបាន បញ្ហាបូមប្រេងដែលជាមូលហេតុនៃការរលត់ជាប់គាំង នៅពេលបើកបរនៅកម្រិតល្បឿនចាប់ពី ៤០គីឡូម៉ែត្រក្នុងមួយម៉ោង នោះរថយន្តនឹងរលត់ ហើយមិនអាចបញ្ឆេះអោយដំណើរការបានវិញឡើយ។

គួររំលឹកផងដែរថា ការស៊ើបអង្កេតនេះបានចាប់ផ្តើងតាំងពីថ្ងៃទី ១៤ ខែតុលា កន្លងទៅនេះ ខណៈពេលក្រុមហ៊ុនក៏បានចេញសេចក្តីថ្លៃងការណ៍ផ្តូវការថា៖ យើងនឹងសហការយ៉ាងពេញលេញជាមួយការស៊ើបអង្កេតរបស់ NHTSA ខណៈពេលកំពុងបន្តការស្វែងរកការពិតផ្ទាល់ខ្លួន ដើម្បីគាំទ្រអតិថិជនរបស់យើង៕

ផ្ទាំងផ្សាយពាណិជ្ជកម្ម