Nio សហការជាមួយ Shell ធ្វើការលើស្ថានីយ៍ផ្លាស់ប្តូរថ្ម និងការបញ្ជូលថ្ម នៅក្នុងប្រទេសចិន និងអ៊ឺរ៉ុប

ក្រុមហ៊ុនផលិតរថយន្តអគ្គិសនី Nio និងក្រុមហ៊ុនប្រេងយក្ស Shell បានចុះហត្ថលេខាលើកិច្ចព្រមព្រៀងសហប្រតិបត្តិការជាយុទ្ធសាស្ត្រ ដើម្បីធ្វើការរួមគ្នាលើដំណោះស្រាយសាកថ្ម និងបច្ចេកវិទ្យាផ្លាស់ប្តូរថ្ម។

Nio និង Shell មានគម្រោងនឹងបង្កើតនូវស្ថានីយ៍ប្តូរថ្មចំនួន ១០០ស្ថានីយ៍នៅត្រឹមឆ្នាំ ២០២៥ ជាមួយនឹងការសាងសង់នូវស្ថានីយ៍ Pilot Station នៅអ៊ឺរ៉ុប នៅឆ្នាំ២០២២។

លើសពីនេះ ស្ថានីយ៍ប្តូរថ្មរួមនឹងបង្កើតនៅមជ្ឈមណ្ឌលសាកថ្ម Shell EV ខណៈដែលឆ្នាំងសាកលឿន Shell Recharge នឹងត្រូវដំឡើងនៅទីតាំងរបស់ Nio ផ្សេងៗ។ កិច្ចសហប្រតិបត្តិការនេះនឹងពង្រីកហួសពីប្រទេសចិន និងទៅកាន់ទ្វីបអឺរ៉ុប ដែលក្រុមហ៊ុនទាំងពីរនឹងសហការគ្នាលើការរួមបញ្ចូលសេវាកម្ម Shell Recharge Mobility Service Provider ដោយផ្តល់ជូនអតិថិជននូវលទ្ធភាពប្រើប្រាស់បណ្តាញសាកថ្ម EV roaming ដ៏ធំបំផុតមួយ៕