![RE-thumbnail-nissan](https://camboauto.com/wp-content/uploads/2024/05/RE-thumbnail-nissan-1-696x366.jpg)
[បរទេស] ក្រុមហ៊ុនផលិតរថយន្ត Nissan បានធ្វើការដាក់បង្ហាញចេញរូបរាងជាផ្លូវការនៃគំរូរថយន្តអគ្គិសនីចំនួន ៤ ស្ថិតក្រោមឈ្មោះថា New era នៅឯពិព័រណ៌រថយន្ត Beijing Auto Show 2024 គ្រោងនឹងធ្វើការចេញលក់នៅក្នុងឆ្នាំ ២០២៦ សម្រាប់ទីផ្សារប្រទេសចិន ។
សម្រាប់គំរូរថយន្តទាំង ៤ នេះ រួមមាន រថយន្តប្រើប្រាស់ថាមពលអគ្គិសនីសុទ្ធចំនួន ២ ម៉ូដែល និងប្រើប្រាស់ម៉ាស៊ីនកូនកាត់ Plug-in hybrid ចំនួន ២ម៉ូដែលដែលជាការផលិតក្រោមការសហការជាដៃគូជាមួយនឹងក្រុមហ៊ុន Dongfeng ។ ខាងក្រោមនេះជាប្រភេទរបស់គំរូរថយន្តទាំង ៤ ៖
- Nissan Epoch Concept ជាប្រភេទ sedan ប្រើប្រាស់ថាមពលអគ្គិសនិសុទ្ធ
- Nissan Epic Concept ជាប្រភេទ SUV ប្រើប្រាស់ថាមពលអគ្គិសនិសុទ្ធ
- Nissan Era Concept ជាប្រភេទ Sedan ប្រើប្រាស់ម៉ាស៊ីន Plug-in hybrid (អគ្គិសនី + សាំង)
- Nissan Evo Concept ជាប្រភេទ SUV ប្រើប្រាស់ម៉ាស៊ីន Plug-in hybrid (អគ្គិសនី + សាំង)
គួរបញ្ជាក់ផងដែរថា សម្រាប់គំរូរថយន្តទាំង ៤ នេះ ក្រុមហ៊ុន Nissan បានអះអាងថា នឹងត្រូវបានអភិវឌ្ឍឡើងបំពាក់ជាមួយបច្ចេកវិទ្យា AI ដ៏ឆ្លាតវៃបែបអនាគតដើម្បីទាក់ទាញអតិថិជនរបស់ខ្លួនក្នុងទីផ្សារប្រទេសចិន ៕
![](https://camboauto.com/wp-content/uploads/2024/05/240425_Nissan_Auto_China_2024_Epoch_images_01.jpg)