ស្របពេលដែលរថយន្ត Nissan GT-R ជំនាន់ R35 ចេញលក់អស់រយៈពេលជាង ១០ឆ្នាំមក ក្រុមហ៊ុនរថយន្តជប៉ុននេះក៏មិនមានបញ្ហាក្នុងការលក់ម៉ូដែល GT-R Nismo ឆ្នាំ២០២២ ដែរ។
បង្ហាញខ្លួនកាលពីខែមេសាកន្លងទៅ រថយន្ត GT-R Nismo នឹងផ្តល់ជម្រើសម៉ូដែលស្តង់ដារ និង Special Edition ហើយផលិតត្រឹមតែ ៣០០គ្រឿងប៉ុណ្ណោះ។ មកដល់ពេលនេះ ក្រុមហ៊ុន Nissan ក៏បានឈប់ទទួលការបញ្ជាទិញដែរ ព្រោះថាវាមានម្ចាស់អស់បាត់ទៅហើយ។
ក្នុងនោះក្រុមហ៊ុន Nissan បានបញ្ជាក់ថា ៩៩% នៃអតិថិជនបានជ្រើសរើសយកម៉ូដែល GT-R Nismo Special Edition ជាជាងម៉ូដែលស្តង់ដារ ព្រោះវាមានបន្ថែមដំបូលម៉ាស៊ីន carbon fiber និង យ៉ាន់ ២០អ៊ីញ ប្រភេទ Rays forged aluminum ពណ៌ខ្មៅលាយក្រហម។ មិនតែប៉ុណ្ណោះ អតិថិជនជាងពាក់កណ្តាលបានជ្រើសរើស Option ពណ៌ប្រផេះ Nismo Stealthy Gray ទៀតផង។
រថយន្ត GT-R Nismo ឆ្នាំ២០២២ មានបំពាក់ម៉ាស៊ីនចំណុះ ៣,៨លីត្រ twin-turbocharged ទំហំ ៦ស៊ីឡាំង មានកម្លាំង ៥៩២សេះ និងកម្លាំងបង្វិល ៦៥២ញ៉ូតុនម៉ែត្រ ហើយមានតម្លៃ ២១៥ ០០០ដុល្លារ នៅលើទីផ្សារសហរដ្ឋអាមេរិក៕
