កាលពីមុន R35 Nissan GT-R ធ្លាប់ជារថយន្តដែលមានស្ទុះល្បឿនលឿនបំផុត ប៉ុន្តែមកដល់ពេលនេះ វាហាក់បីដូចជាចាញ់ប្រៀបគេច្រើន។ ទោះជាយ៉ាងណាក៏ដោយ វាមិនមែនមានន័យថា Nissan GT-R យឺតនោះទេ។
ថ្មីៗនេះ គេហទំព័រ Carwow បានយករថយន្ត Nissan GT-R Nismo ទៅរត់ប្រជែងជាមួយនឹង Porsche Panamera Turbo S E-Hybrid និង Audi RS6 ដើម្បីស្វែងរកជើងខ្លាំងក្នុងចំណោមពួកវាទាំង៣។
រថយន្ត Nissan GT-R Nismo បំពាក់ម៉ាស៊ីនចំណុះ ៣,៨លីត្រ twin-turbo ទំហំ ៦ស៊ីឡាំង មានកម្លាំងរហូតដល់ទៅ ៦០០សេះ ហើយប្រើប្រអប់លេខអូតូ ៦វគ្គ និងប៉ុងពីរ។ រថយន្តស្ព័ររបស់ជប៉ុននេះអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ២,៥វិនាទីប៉ុណ្ណោះ។
ដោយឡែក រថយន្ត Porsche Panamera Turbo S E-Hybrid វិញមានបំពាក់ម៉ាស៊ីនចំណុះ ៤,០លីត្រ twin-turbo ទំហំ ៨ស៊ីឡាំង មានកម្លាំង ៥៦៣សេះ គួបផ្សំជាមួយម៉ូទ័រអគ្គិសនីមួយមានកម្លាំង ១៣៤សេះទៀត សរុបស្មើនឹង ៦៨៩សេះ។ វាអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៣,០វិនាទីប៉ុណ្ណោះ។
ចំណែកឯរថយន្ត Audi RS6 វិញ ប្រើម៉ាស៊ីនចំណុះ ៤,០លីត្រ twin-turbo ទំហំ ៨ស៊ីឡាំង មានកម្លាំង ៥៩១សេះ ហើយអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៣,១វិនាទីប៉ុណ្ណោះ៕
ចង់ដឹងថារថយន្តមួយណាឈ្នះសូមទស្សនាវីដេអូខាងក្រោម៖
