[ទីផ្សារបរទេស] ក្រុមហ៊ុន Nissan បានធ្វើការបញ្ចេញនូវរថយន្តម៉ូឌែលពិសេសថ្មី Juke Kiiro Special Edition ដែលជាផ្នែកមួយនៃដៃគូរសហការគ្នាជាមួយនឹងខ្សែភាពយន្ត The Batman ដែលគ្រោងនឹងចាក់បញ្ចាំងនៅទីក្រុងទ្បុងដ៍ក្នុងប្រទេសអង់គ្លេស នៅថ្ងៃទី៤ ខែមីនា ខាងមុខនេះ។
សម្រាប់រថយន្ត Juke Kiiro ទទួលបានការឌីហ្សាញខាងក្នុងនៃខាងក្នុងកាប៊ីនមានកៅអីពូកស្បែកពណ៍ខ្មៅដែលមានថ្នេរប្រផេះ និងលឿន។ វាក៏បានបំពាក់នូវអេក្រង់ប្រព័ន្ធកម្សាន្ត ទំហំ ៨ អ៊ីញ ដែលប្រើប្រាស់កម្មវិធី NissanConnect ភ្ជាប់ជាមួយនឹង Android Auto, Apple Carplay connectivity, Google Assistant, Amazon Alexa , plus TomTom Maps & Live Traffic ជាដើម។
រថយន្ត Juke Kiiro ប្រើប្រាស់ម៉ាស៊ីនសាំងចំណុះ ១,០ លីត្រ ទំហំ ៣ស៊ីទ្បាំង ផលិតកម្លាំង ១១២ សេះ និងកម្លាំងរមួល ២០០ ញ៉ុនតុនម៉ែត្រ ភ្ជាប់ជាមួយនឹងប្រអប់លេខដៃ ៦ វគ្គរត់ដោយកង់ខាងមុខ។ បន្ថែមពីនេះរថយន្ត Juke Kiiro ពឹងផ្អែកលើគ្រោងឆ្អឹង CMF-B ផងដែរ។
យ៉ាងណាមិញចំពោះ Nissan Juke Kiiro ផ្តល់ជូនតែ ៥,០០០ គ្រឿង ក្នុងនោះ ៥០០ គ្រឿងសម្រាប់ទីផ្សារក្នុងប្រទេសអង់គ្លេសដែលចាប់ផ្តើមលក់ចុងខែកុម្ភៈតម្លៃចាប់ពី ២៥,៩៨០ ដុល្លារដល់ ៣៤,៧៧៥ ដុល្លារ៕
ប្រភព៖ Carscoops
