[ទីផ្សារបរទេស] ក្រុមហ៊ុនផលិតរថយន្ត Nissan បានធ្វើការដាក់បង្ហាញចេញជាផ្លូវការនូវតម្លៃរបស់រថយន្ត Nissan Kicks ស៊េរីឆ្នាំ២០២៥ ប្រភេទ SUV ខ្នាតកណ្តាល នៅក្នុងទីផ្សារសហរដ្ឋអាមេរិក ជាមួយតម្លៃលក់ចាប់ពី ២៣ ២២០ ដុល្លារ ដល់ ២៩ ០៧០ ដុល្លារ។
Nissan Kicks ស៊េរីឆ្នាំ២០២៥ ដំណើរការដោយម៉ាស៊ីនសាំងចំណុះ ២,០ លីត្រ ទំហំ ៤ សុីឡាំង ផលិតកម្លាំងបាន ១៤១ សេះ និងកម្លាំងរមួល ១៩០ ញ៉ូតុនម៉ែត្រ ភ្ជាប់ដោយប្រអប់លេខអូតូ CVT ជាមួយជម្រើសប៉ុង២ AWD ។
រថយន្តនេះ មានការឌីស្សាញរូបរាងជាប្រអប់ជ្រុង ជាមួយចង្កៀងមុខ LED រួមបញ្ចូលគ្នាទៅនឹងប៉ាណាមួយផ្ទាំងធំ ក៏ដូចជាថាសកង់ស្ព័រ និងចង្កៀងក្រោយ LED ជាដើម។
ចំពោះនៅផ្នែកខាងក្នុងវិញ ទទួលបានកុងទ័របង្ហាញព័ត៌មានឌីជីថលទំហំ ៧ អ៊ីញ និងអេក្រង់កំសាន្ត touchscreen ទំហំ ១២,៣ អ៊ីញ អាចភ្ជាប់មុខងារ Apple CarPlay និង Android Auto ក៏ដូចជាកន្លែងសាកថ្មឥតប្រើខ្សែ ឧបករណ៍បំពងសំឡេងម៉ាក BOSE ចំនុច ។ លើសពីនេះ ក៏ទទួលបានប្រព័ន្ធសុវត្ថិភាព និងជំនួយការអ្នកបើកបរ Nissan Safety Shield 360 ADAS Suite ផងដែរ៕
