Nissan Leaf ជំនាន់ថ្មី ទំនងជាប្រែខ្លួនទៅជា Crossover វិញ

រថយន្ត Nissan Leaf ជំនាន់ថ្មី ត្រូវបានគេរាយការណ៍ថា បានត្រៀមខ្លួនរួចជាស្រេចដើម្បីប្រែក្លាយទៅជារថយន្តប្រភេទ Crossover វិញ។

រថយន្ត Nissan Leaf

បើយោងតាមលោក Guillaume Cartier ជាប្រធាននៃ AMIEO (Africa, Middle East, India, Europe & Oceania) របស់ក្រុមហ៊ុន Nissan បានឲ្យដឹងថា រថយន្តនេះនឹងត្រូវផលិតនៅរោងចក្រ Sunderland Plant ដែលជាផ្នែកមួយនៃការវិនិយោគចំនួន ១,៣ពាន់លានដុល្លារ។

ពាណិជ្ជកម្ម

មិនតែប៉ុណ្ណោះ រថយន្តនេះត្រូវបានគេរំពឹងថានឹងបង្ហាញខ្លួននៅអំឡុងឆ្នាំ២០២៥ ហើយត្រូវផលិតផ្អែកតាមគ្រោងឆ្អឹង CMF-EV Platform ដែលបច្ចុប្បន្នកំពុងប្រើលើរថយន្ត Nissan Ariya និង Renault Megane E-Tech Electric។

ទោះបីជាយ៉ាងណាក៏ដោយ ព័ត៌មានលម្អិតអំពីរថយន្តនេះមានមិនច្រើននោះទេ ប៉ុន្តែការប្រែខ្លួនក្លាយទៅជារថយន្តប្រភេទ Crossover មិនមែនជារឿងគួរឲ្យភ្ញាក់ផ្អើលនោះទេ ព្រោះថាអ្នកប្រើប្រាស់ចូលចិត្តពួកវាខ្លាំង។

ជាមួយគ្នានេះដែរ Nissan មិនមែនជាក្រុមហ៊ុនផលិតរថយន្តតែមួយនោះទេដែលធ្វើបែបនេះ ជាក់ស្តែងរថយន្ត Chevrolet Bolt ថ្មីៗនេះបានប្រែខ្លួនទៅជារថយន្តប្រភេទ Crossover ជាមួយនឹងការបញ្ចេញម៉ូដែល Chevrolet Bolt EUV៕

Sponsored