ក្រុមហ៊ុន Nissan បានប្រកាសចេញរថយន្ត Murano ស៊េរីឆ្នាំ២០២២ ជាផ្លូវការ ដោយបានបន្ថែមម៉ូដែលពិសេសថ្មី ហៅថា Murano Midnight Edition។
ផ្អែកតាមម៉ូដែល Murano SV រថយន្ត Nissan Murano Midnight Edition បានតុបតែងខ្លួនខ្មៅមួយឈុត ពោលគឺ ប៉ាណាមុខខ្មៅ, កាងមុខ-ចំហៀង-ក្រោយខ្មៅ និង យ៉ាន់ Alloy ទំហំ ២០អ៊ីញ ពណ៌ខ្មៅរលោង ទៀតផង។
ផ្ទាំងផ្សាយពាណិជ្ជកម្ម
គួរឲ្យដឹងដែរថា ចំពោះកញ្ចប់ Midnight Edition នេះ មានតម្លៃ ១ ៣៩៥ដុល្លារ ហើយវានឹងមានជម្រើសប៉ុងមុខ និងប៉ុងពីរ។
យ៉ាងណាមិញ រថយន្ត Nissan Murano ឆ្នាំ២០២២ នឹងត្រូវដាក់លក់ក្នុងតម្លៃចាប់ពី ៣២ ៩១០ដុល្លារ នៅលើទីផ្សារសហរដ្ឋអាមេរិក ពោលគឺថ្លៃជាងស៊េរីឆ្នាំ២០២១ ត្រឹមតែ ១០០ដុល្លារប៉ុណ្ណោះ។
រថយន្ត Murano ទាំងអស់ នឹងបំពាក់ម៉ាស៊ីនចំណុះ ៣,៥លីត្រ V6 មានកម្លាំង ២៦០សេះ និងកម្លាំងរមួល ៣២៥សេះ ប្រើប្រអប់លេខអូតូ Xtronic CVT៕
ផ្ទាំងផ្សាយពាណិជ្ជកម្ម
