(តម្លៃទីផ្សារក្រៅស្រុក) ក្រុមហ៊ុន Nissan បានធ្វើការប្រកាសអំពីតម្លៃផ្លូវការ និងជម្រើសម៉ូឌែលនៃរថយន្ត Nissan Qashqai សេរ៊ីឆ្នាំ២០២១ សម្រាប់ទីផ្សារប្រទេសអង់គ្លេស។
រថយន្ត Nissan Qashqai ឆ្នាំ២០២១ មានតម្លៃចាប់ពី ៣២ ៦០០ដុល្លារ(ប្រភេទកម្រិតទាប) ដល់ ៥២ ៥៧០ដុល្លារ(ប្រភេទកម្រិតខ្ពស់) រួមជាមួយជម្រើសចំនួន ៥ម៉ូឌែលគឺ Sase Visia, Acenta Premium, N-Connecta, Tekna និង Tekna+។
សម្រាប់ទីផ្សារប្រទេសអង់គ្លេស Nissan Qashqai ផ្តល់ជម្រើសម៉ាស៊ីន Mild-hybrid ចំនួន២ប្រភេទគឺ ចំណុះ ១,៣លីត្រ DiG-T ទំហំ ៤ស៊ីឡាំង មានកម្លាំង ១៣៦សេះ និង ១៥៤សេះ ដំណើរការដោយប្រអប់លេខដៃ ៦វគ្គ។
រថយន្តប្រភេទ SUV ដែលលក់ដាច់បំផុតរបស់ក្រុមហ៊ុន Nissan ផលិតឡើងលើផ្អែកលើ CMF-C Platform ដែលវាមានទំហំធំជាងមុន បើធៀបនឹងម៉ូដែលមុនៗ តួរយ៉ាងប្រវែងពីកង់មុខដល់កង់ក្រោយវែងជាងមុនប្រហែល ២០ មីលីម៉ែត្រ រួមជាមួយការបើកទ្វារខាងក្រោយបានដល់ ៩០ ដឺក្រេ ហើយកន្លែងដាក់ឥវ៉ាន់មានទំហំធំជាងមុន ៥០ លីត្រ។
បន្ថែមពីនេះ ផ្នែកខាងក្នុងក៏បំពាក់ជាមួយកុងទ័រឌីជីថលថ្មីទំហំ ១២,៣អ៊ីញ និងអេក្រង់កម្សាន្ត Touchscreen ៩អ៊ីញ អាចភ្ជាប់មុខងារ Android Auto និង Wireless Apple CarPlay ព្រមទាំងកុងទ័របាញ់លើកញ្ចក់ ១០,៨អ៊ីញថែមទៀតផង៕
