រថយន្ត R34 ដែលជាជំនាន់ទី៥ ត្រូវបានចាប់កំណើតមកចាប់ពីឆ្នាំ១៩៩៩ ដល់ឆ្នាំ២០០២ វាត្រូវបានផលិតមកសម្រាប់តែទីផ្សារក្នុងស្រុកនឹងនាំចេញទៅលក់នៅឯប្រទេសមួយចំនួនតែប៉ុណ្ណោះ ប៉ុន្តែដោយសារតែ វាជារថយន្តដ៏ iconic នៅក្នុងវប្បធម៌របស់ JDM ដែលមានបំពាក់មកជាមួយនឹងម៉ាសុីន RB26DETT ចំណុះ 2.0L inline-6 twin-turbo នេះវាបានធ្វើអោយមនុស្សជាច្រើននៅជុំវិញពិភពលោកមានការស្រលាញ់នឹងចង់ ក្លាយជាម្ចាស់របស់រថយន្តមួយគ្រឿងនេះ ប៉ុន្តែសូមចូលរួមសោកស្ដាយចំពោះអ្នកស្រឡាញ់រថយន្តមួយគ្រឿងនេះដែលរស់នៅឯសហរដ្ធអាមេរិកនាពេលនោះផង។ ដែលកាលនោះ រថយន្តមួយគ្រឿងនេះត្រូវបានខុសពីស្តង់ដាររថយន្តដែលអាចរាចណ៍បាន នឹងជាប់ឈ្មោះជារថយន្តខុសច្បាប់នៅក្នុងបញ្ជីរបស់សហរដ្ធអាមេរិកដែលមិនអាចនាំចូលទៅបាន វាធ្វើអោយបងប្អូនដែលស្រលាញ់រថយន្តមួយគ្រឿងនេះនៅឯសហរដ្ធអាមេរិកខូចចិត្តមិនស្ទើទេ ហើយទាំងនេះ ជាកត្តាដែលធ្វើអោយរថយន្តមួយគ្រឿងនេះខុសច្បាប់។
ហេតុផលដំបូងគេនោះ R34 គឺបំពាក់មកជាម៉ាស៊ីនដែលមានថាមពលខ្លាំង ដែលម៉ាស៊ីននោះអាចមានកម្លាំងចន្លោះពី ២៧៦Hp ទៅ ៤៩៦Hp ព្រមទាំងអាច Tune ឡើងកម្លាំងបានផងដែរ ហើយប្រសិនបើ Tune បន្ថែមកម្លាំង ៩៨៦Hp នោះមានន័យថារថយន្តនេះអាចបើកល្បឿនអតិបរមា ៤០២km/h ដែលល្បឿននេះសូម្បីតែឡានប៉ូលីសរបស់អាមេរិចក៏ពុំអាចបើកទាន់វានោះទេគឺបានត្រឹមហឹតផ្សែងវាប៉ុណ្ណោះ។
ហេតុផលបន្ទាប់នោះគឺនៅកំឡុងពេលនោះ Skyline R34 មិនបានបំពេញនូវស្តង់ដារសុវត្ថិភាព និងបទបញ្ញាត្តិរបស់សហពន្ធរថយន្ត ដែលហៅកាត់ថា FMVSS ដែលបានចេញក្នុងឆ្នាំ១៩៨៨ និងច្បាប់ ២៥ឆ្នាំ ឬ 25-year rule របស់សហរដ្ធអាមេរិកទេ។ ខណ:ច្បាប់រយះពេល ២៥ឆ្នាំរថយន្តដែលមានអាយុកាលក្រោម ២៥ឆ្នាំ ដូចជា Skyline R34 ត្រូវតែបំពេញទៅតាមស្តង់ដារ សុវត្ថិភាព នឹងស្តង់ដារ បរិស្ថាន ជាមុនសិនទើបអាចនាំយករថយន្តចូលទៅបាន។ ហើយចំពោះរថយន្តដែលមានអាយុ ២៥ ឆ្នាំ ឬច្រើនជាងនេះ អាចនាំចូលទៅអាមេរិកបានដោយសេរី ដោយមិនចាំបាច់បំពេញតាមស្តង់ដារសុវត្ថិភាពរបស់ NHTSA នោះទេ។ ដូច្នេះដើម្បីនាំចូលរថយន្តចូលទៅក្នុងទីផ្សារសហរដ្ធអាមេរិកបាន គឺត្រូវតែបំពេញទៅតាមស្តង់ដារសុវត្ថិភាព នឹងស្តង់ដារបរិស្ថាន ជាមុនសិនទើបអាចនាំយករថយន្តចូលទៅបាន។ ដោយយោងតាម NHTSA រថយន្តភាគច្រើនដែលនាំចូលទៅកាន់សហរដ្ឋអាមេរិច ត្រូវបានហាមឃាត់ដោយសារតែមិនបំពេញបាននូវស្តង់ដាសុវត្ថិភាព, មានល្បឿនលឿន និងបំនៃការបំភាយឧស្ម័ន។
ដូច្នេះបើសិនជាយើងចង់នាំ Skyline R34 ចូលទៅកាន់សហរដ្ធអាមេរិកដោយមិនចាំបាច់បំពេញទៅតាមស្តង់ដារខាងលើនេះ និងមិនចង់កែកុនអ្វីនោះ នោះយើងនឹងត្រូវរងចាំដល់មកដល់ឆ្នាំមុននេះគឺឆ្នាំ២០២៤ ទើបវាស្របច្បាប់អាច នាំចូលបានសម្រាប់ម៉ូដែលឆ្នាំ១៩៩៩ ព្រោះវាលើសពីអាយុ ២៥ឆ្នាំហើយ៕
