[បរទេស] កាលពីពេលថ្មីៗនេះ ក្រុមហ៊ុនផលិតរថយន្ត Ram បានធ្វើការដាក់បង្ហាញចេញនូវភីកអាប់ Ram 1200 ស៊េរីឆ្នាំ ២០២៤ ប្រភេទ Mid-Size Pickup ដែលមានតម្លៃចាប់ពី ២៦ ៧២៩ ទៅ ៤០ ២០៦ដុល្លាសហរដ្ធអាមេរិកនៅប្រទេសមុិកសិក។
សម្រាប់រថយន្ត Mid-Size Pickup នេះមាន ៤ជម្រើស Trims គឺ Tradesman Regular Cab 6MT 4X2, Tradesman Double Cab 6MT 4X2,Bighorn 6AT 4X2 និង Laramie 6AT 4X4 ដំណើរការដោយម៉ាសុីនសាំុងចំណុះ ២,៤ លីត្រ turbocharged ទំហំ ៤ ស៊ីឡាំង អាចផលិតកម្លាំងបាន ២០៧ សេះ និងកម្លាំងរមួល ៣២០ ញ៉ូតុនម៉ែត្រ ភ្ជាប់ដោយប្រអប់លេខដៃនិងលេខអូតូ ៦វគ្គ ប្រភេទបើកបរប៉ុង ១ Rear-wheel drive និងអាចអូសសណ្តោងបានដល់ ៣ ០០០ គីឡូក្រាមឯណ្ណោះ ។
ចំពោះរូបរាងផ្នែកខាងក្រៅរថយន្តនេះមានប៉ាណាមុខមួយផ្ទាំងធំតុបតែងដោយក្រូម៉េដែលមានឡូហ្គូ RAM នៅចំកណ្តាល អមដោយចង្កៀង LED ។ ខណៈព័ត៌មានផ្នែកខាងក្នុងនិងព័ត៌មានផ្នែកខាងក្រៅផ្សេងទៀតក្រុមហ៊ុនមិនទាន់បង្ហាញជាផ្លូវការនៅឡើយទេ។
