ក្រុមហ៊ុនរថយន្ត Rivian បានដាក់លក់ភាគហ៊ុនជាសាធារណៈបានដោយជោគជ័យដោយបច្ចុប្បន្ននេះក្រុមហ៊ុនមានទុនជិត ១២ពាន់លានដុល្លារ ក្នុងការពង្រីកអាជីវកម្មផលិតរថយន្តអគ្គិសនីរបស់ខ្លួន។
ផ្អែកតាមសម្ដីនាយកប្រតិបត្តិក្រុមហ៊ុនបានឲ្យដឹងថាក្រុមហ៊ុនមានគម្រោងការរីកលូតលាស់ឲ្យបានឆាប់រហ័សបំផុត ដោយមានគោលដៅចង់ការផលិតរថយន្តប្រចាំឆ្នាំឡើងដល់ខ្ទង់១លានគ្រឿងក្នុងមួយឆ្នាំត្រឹមឆ្នាំ២០៣០ ដែលនេះគឺជាកម្រិតផលិតនាពេលបច្ចុប្បន្នរបស់ក្រុមហ៊ុន Tesla។
បច្ចុប្បន្ននេះទំហំផលិតរបស់ Rivian នៅរោងចក្រនៅ Illinois គឺមានចំនួន ១៥០ ០០០គ្រឿងក្នុងមួយឆ្នាំ ប៉ុន្តែជាមួយការអាប់ដេតថ្មីនឹងធ្វើឲ្យទំហំផលិតរីកធំដល់ ២០ម៉ឺនគ្រឿងក្នុងមួយឆ្នាំ។
គួរដឹងថារថយន្តចំនួនបីប្រភេទដែល Rivian បានប្រកាសចេញគិតត្រឹមពេលនេះគឺមានរថយន្ត Rivian R1T, Rivian R1S រួមទាំងរថយន្ត Rivian EDV ដែលនឹងត្រូវផលិតឆាប់ៗ។ ការផលិតរថយន្ត R1T បានចាប់ផ្ដើមតាំងពីខែកញ្ញា ខណៈដែលរថយន្តពីរទៀតនឹងចាប់ផ្ដើមនៅខែធ្នូ៕
