● Royal Enfield Rentals and Tours ៖ គឺជាមធ្យោបាយដ៏ងាយស្រួល និងរហ័សបំផុត សម្រាប់អ្នកដែលចង់ទទួលបានបទពិសោធន៍ជិះម៉ូតូធ្វើដំណើរផ្សងព្រេងជុំវិញពិភពលោក
- អ្នកបើកបរផ្សងព្រេង អាចជួលម៉ូតូតាមជម្រើសដែលពួកគេចង់បាន ឬកក់ដំណើរកម្សាន្តនៃការជិះម៉ូតូនៅទូទាំងពិភពលោកតាមរយៈបណ្តាញអ្នកជំនាញ និងដៃគូសហការណ៍
- Royal Enfield Rentals and Tours មាននៅទូទាំង ៦០+ គោលដៅ ដែលលាតសន្ធឹងក្នុងប្រទេសលើសពី ២៣ ប្រទេសដូចជា ឥណ្ឌា ថៃ ឥណ្ឌូនេស៊ី វៀតណាម បារាំង អ៊ីតាលី ស្កុតឡែន អេស្ប៉ាញ តួកគី កូឡុំប៊ី អាហ្សង់ទីន ម៉ារ៉ុក ណាមីប៊ី អាហ្រ្វិកខាងត្បូង នេប៉ាល់ ប៊ូតាន និងប្រទេសច្រើនទៀត
(ខែមេសា ឆ្នាំ ២០២៤)៖ ការធ្វើដំណើរកម្សាន្តផ្សងព្រេង និងរុករក គឺជារឿងមិនងាយស្រួលឡើយសម្រាប់អ្នកធ្វើដំណើរជុំវិញពិភពលោក។ ដើម្បីដោះស្រាយ និងសម្រួលលើការលំបាកទាំងនេះ ក្រុមហ៊ុន Royal Enfield បានដាក់ចេញនូវសេវាកម្មថ្មីមួយឈ្មោះថា “Rentals and Tours,” ដែលជាសេវាកម្មដ៏ល្អមួយ ជួយបញ្ចប់ការលំបាកជាច្រើនរបស់អ្នកធ្វើដំណើរផ្សងព្រេង ជាពិសេសការធ្វើដំណើរតាមរយៈម៉ូតូដោយគ្មានការរំខាន និងងាយស្រួលក្នុងការស្វែងរកគោលដៅថ្មីៗ ជាមួយនឹងការធានាពីក្រុមហ៊ុនតែម្ដង។
ដោយផ្អែកទៅលើភាពជោគជ័យនៃ Royal Enfield Rentals នៅក្នុងប្រទេសឥណ្ឌា សេវាកម្មដ៏ថ្មីស្រឡាងនេះ នឹងដើរតួនាទីយ៉ាងសំខាន់ក្នុងនាមជាអ្នកជំរុញ និងត្រួសត្រាយផ្លូវដ៏ល្អបំផុតសម្រាប់អ្នកផ្សងព្រេងដែលកំពុងស្វែងរកបទពិសោធន៍ជិះម៉ូតូជុំវិញពិភពលោក។ ទន្ទឹមនឹងនេះដែរ ជាមួយនឹងដៃគូសហការដែលមានការទទួលស្គាល់ទាំងនៅក្នុងប្រទេសឥណ្ឌា និងទូទាំងពិភពលោក រួមទាំងការណែនាំអំពី កម្មវិធីជួល និងទេសចរណ៍ “Rentals and Tours,” ក្រុមហ៊ុន Royal Enfield ឥឡូវនេះមានគោលបំណងកំណត់ឡើងវិញនូវវិស័យទេសចរណ៍ដែលផ្ដោតលើការជិះម៉ូតូ ជាមួយនឹងការបណ្តាក់ទុនថ្មីបំផុតរបស់ខ្លួនជាច្រើនផ្នែកដូចជា ការជួលម៉ូតូ និងដំណើរកម្សាន្តដែលមានមគ្គុទេសទេសចរប្រកបដោយវិជ្ជាជីវៈ ពិសេសនោះគឺអាចជួយបង្ហាត់បង្រៀនអ្នកក្នុងការរៀបចំការធ្វើដំណើរកម្សាន្តដោយខ្លួនឯងទៀតផង។ ចំពោះការផ្ដល់អាហារ គឺសម្បូរបែបនិងបំពេញទៅតាមជម្រើសរបស់អ្នកដំណើរ។ លើសនេះទៅទៀត Royal Enfield ‘Rentals and Tours’ នឹងអនុញ្ញាតឱ្យអ្នកផ្សងព្រេង កំណត់ដំណើរផ្សងព្រេងដែលមិនអាចបំភ្លេចបាន និងរង់ចាំបំពេញនូវអ្វីដែលអ្នកផ្សងព្រេងត្រូវការ និងចង់បាន។
នៅប្រទេសថៃ អ្នកអាចជិះម៉ូតូកម្សាន្តផ្សងព្រេង និងរុករក តំបន់ដ៏ស្រស់ត្រកាលជាមួយម៉ូតូរបស់ក្រុមហ៊ុន Royal Enfield នៅភូកេត ឈៀងម៉ៃ ក្នុងប្រទេសថៃ និងកោះបាលី ក្នុងប្រទេសឥណ្ឌូនេស៊ី។
លោក B Govindrajan នាយកប្រតិបត្តិក្រុមហ៊ុន Royal Enfield បានមានប្រសាសន៍ថា៖ “Royal Enfield ត្រូវបានផ្សារភ្ជាប់ជាមួយនឹងដំណើរដ៏វិសេសនៃការរុករក ដោយមានអ្នកចូលចិត្តធ្វើដំណើរឆ្លងកាត់ប្រទេស និងទ្វីបនានា ដោយជិះម៉ូតូរបស់យើងអស់ជាច្រើនទសវត្សរ៍មកហើយ។ យើងជឿថា យើងយល់យ៉ាងជ្រាលជ្រៅបំផុតអំពីបំណងប្រាថ្នាសម្រាប់ការផ្សងព្រេង និងស្វែងរកពិភពលោកាតមរយៈការជិះម៉ូតូ។ កម្មវិធី Royal Enfield Rentals and Tours មិនត្រឹមតែជួយសម្រួលដល់ភស្តុភារនៃទេសចរណ៍ម៉ូតូប៉ុណ្ណោះទេ ថែមទាំងបើកឱកាសថ្មីសម្រាប់អ្នកស្រលាញ់ការផ្សងព្រេង។ ជាមួយនឹងសហគមន៍ជិះម៉ូតូធំជាងគេមួយរបស់ពិភពលោក យើងជឿជាក់ថា គំនិតផ្តួចផ្តើមនេះ នឹងមិនត្រឹមតែពង្រឹងប៉ុណ្ណោះទេ ប៉ុន្តែថែមទាំងពង្រីកគ្រួសារអ្នកបើកបរទូទាំងពិភពលោករបស់ Royal Enfield ដោយជំរុញឱ្យមានការយល់ដឹងកាន់តែស៊ីជម្រៅនៃមិត្តភាពក្នុងចំណោមអ្នកជិះឆ្លងកាត់ព្រំដែន។
ដើម្បីជួលម៉ូតូ Royal Enfield ឬកក់ដំណើរកម្សាន្តជិះម៉ូតូ មិនពិបាក និងសាំញ៉ាំឡើយ ដោយគ្រាន់តែ ២ ទៅ ៣ ចំនុចប៉ុណ្ណោះ។ អ្នកគ្រាន់តែចូលទៅកាន់ royalenfield.com/rentals និង royalenfield.com/tours រកមើលជម្រើសដោយផ្អែកលើគោលដៅ និងពេលវេលាដែលបានរៀបចំទុក ហើយបន្ទាប់មកបញ្ជាក់ចំណាប់អារម្មណ៍នៃការកក់។ ការហៅត្រលប់មកវិញយ៉ាងរហ័សពីប្រតិបត្តិករទេសចរណ៍ នឹងត្រូវបានរៀបចំឡើង ដើម្បីបញ្ជាក់ និងបញ្ចប់ព័ត៌មានលម្អិតនៃដំណើរកម្សាន្ត និងការធ្វើដំណើរ តែប៉ុណ្ណឹងរួចជាការស្រេច ហើយអ្វីដែលនៅសល់ត្រូវធ្វើនោះ គឺត្រៀមមួកសុវត្ថិភាព និងឈុតជិះម៉ូតូ រង់ចាំថ្ងៃដំណើរផ្សងព្រេងមកដល់តែប៉ុណ្ណោះ។
សេវាកម្ម ជួល នេះ ពង្រីកដល់ ៦០+ គោលដៅ ដែលលាតសន្ធឹងលើប្រទេសថៃ ឥណ្ឌូនេស៊ី វៀតណាម ក្នុងចំណោមប្រទេសដទៃទៀត។ ដោយសហការជាមួយដៃគូទេសចរណ៍ជាច្រើន Royal Enfield ផ្តល់ឱ្យអ្នកបើកបរនូវបទពិសោធន៍ចម្រុះជាច្រើនជុំវិញការធ្វើដំណើរកម្សាន្តសរុបចំនួន ៦២ ដែលគ្របដណ្តប់ ៥២ គោលដៅក្នុង ២៥ ប្រទេស រាប់ចាប់ពីការរុករកគោលដៅអន្តរជាតិគួរឱ្យចាប់អារម្មណ៍នៃប្រទេសបារាំង ស្កុតឡែន និងអេស្ប៉ាញ ទៅកាន់តំបន់ដ៏គួរឱ្យទាក់ទាញនៃ Cochin, Gangtok និង Tawang ក្នុងប្រទេសឥណ្ឌា Royal Enfield Rentals and Tours ផ្តល់នូវលទ្ធភាពគ្មានដែនកំណត់សម្រាប់ការជិះម៉ូតូដែលមិនអាចបំភ្លេចបាន។
Instagram: @royalenfieldrentalsandtours
Facebook: @royalenfieldrentalsandtours
- អំពី Royal Enfield
យីហោម៉ូតូចាស់ជាងគេក្នុងការផលិតបន្ត គឺ Royal Enfields បានបង្កើតម៉ូតូច្នៃយ៉ាងស្រស់ស្អាតតាំងពីឆ្នាំ១៩០១។ ពីប្រភពដើមរបស់អង់គ្លេស រោងចក្រផលិតត្រូវបានបង្កើតឡើងនៅ Madras នៅឆ្នាំ ១៩៥៥ ដែលជាកន្លែងឈរជើងដែលរ៉ូយ៉ាល់ Enfield នាំមុខការរីកចម្រើនរបស់អ្នកជិះម៉ូតូធុនមធ្យមចំនួន ២ របស់ឥណ្ឌា។ Royal Enfields កំពុងបញ្ជូលភាពមិនស្មុគស្មាញ អាចដំណើរការបានល្អ និងភាពរីករាយក្នុងការជិះ ទោចក្រយានយន្តសម្រាប់ការរុករក និងការបញ្ចេញគំនិតដោយខ្លួនឯងទាំងនេះហើយ ដែលជាវិធីសាស្រ្តមួយដែលយីហោ Royal Enfields ហៅថាម៉ូតូសុទ្ធសាធ។
ម៉ូឌែលប្រណិតៗរបស់ Royal Enfield ដែលបានចេញលក់រួមមាន Hunter 350, Classic 350, Meteor 350 cruiser, ម៉ូតូភ្លោះប៉ារ៉ាឡែល 650 , New Super Meteor 650, Interceptor 650 និង Continental GT 650, ម៉ូតូផ្សងព្រេង – Himalayan adventure tourer ,411 ADV Crossover, និង iconic Bullet 350។ អ្នកជិះម៉ូតូ និងអ្នកដែលនិយមចូលចិត្តម៉ូតូបែបនេះ នឹងទទួលបានការគាំទ្រយ៉ាងខ្លាំងពីព្រឹត្តិការណ៍គ្រប់កម្រិតទាំងថ្នាក់តំបន់ និងអន្តរជាតិ អ្វីដែលគួរអោយកត់សំគាល់បំផុតនោះ គឺការជិះម៉ូតូ ដែលជាការជួបជុំជារៀងរាល់ឆ្នាំរបស់មនុស្សរាប់ពាន់នាក់ដែលមានការចាប់អារម្មណ៍ពី Royal Enfield នៅ Goa និង Himalayan Odyssey ដែលធ្វើឡើងជាប្រចាំឆ្នាំនៅលើ ផ្លូវ ដី ដែលពិបាក និងឆ្លងកាត់ភ្នំខ្ពស់បំផុត។
ផ្នែកមួយនៃ Eicher Motors Limited, Royal Enfield ដំណើរការតាមរយៈហាងជាង ២ ០០០ នៅទូទាំងទីក្រុង និងទីប្រជុំជនសំខាន់ៗទាំងអស់ក្នុងប្រទេសឥណ្ឌា និងតាមរយៈហាងជិត ៨៥០ នៅក្នុងប្រទេសជាង ៦០ ជុំវិញពិភពលោក។ Royal Enfield ក៏មានមជ្ឈមណ្ឌលបច្ចេកទេសលំដាប់ពិភពលោកចំនួនពីរផងដែរ គឺនៅ Bruntingthorpe ចក្រភពអង់គ្លេស និងនៅ Chennai ប្រទេសឥណ្ឌា។ រោងចក្រផលិតទំនើបបំផុតចំនួនពីររបស់ក្រុមហ៊ុនមានទីតាំងនៅ Oragadam និង Vallam Vadagal នៅជិត Chennai ។ នៅទូទាំងពិភពលោក Royal Enfield មានអង្គភាពដំឡើង CKD ទំនើបចំនួនប្រាំនៅក្នុងប្រទេសនេប៉ាល់ ប្រេស៊ីល ថៃ អាហ្សង់ទីន និងកូឡុំប៊ី៕
