ក្រុមហ៊ុនផលិតរថយន្ត Skoda បានប្រកាសថា ពួកគេកំពុងពង្រីកអាជីវកម្មមកអាស៊ីអាគ្នេយ៍ ដោយគ្រោងនឹងបើករោងចក្រផលិតរថយន្តក្នុងប្រទេសវៀតណាម។ នេះគឺជារោងចក្រផលិត Skoda ដំបូង និងតែមួយគត់នៅក្នុងតំបន់អាស៊ាន ដែលមានទីតាំងនៅក្នុងទីក្រុង Quang Ninh ក្នុងប្រទេសវៀតណាម។
ក្នុងនោះ រោងចក្រនេះ មានសមត្ថភាពផលិតរថយន្ត ១២មុឺនគ្រឿង ក្នុងមួយឆ្នាំ និងត្រៀមបើកដំណើរការជាមួយក្រុមហ៊ុន Thanh Cong Group ដែលជាក្រុមហ៊ុនដំឡើងរថយន្ត Hyundai និង Nissan ក្នុងស្រុករបស់ប្រទេសវៀតណាមផ្ទាល់។
ផ្ទាំងផ្សាយពាណិជ្ជកម្ម
បើយោងតាមប្រធានក្រុមហ៊ុន Skoda លោក Klaus Zellmer បានឲ្យដឹងថា ប្រទេសវៀតណាមជាជំហានសំខាន់សម្រាប់ Skoda ក្នុងការក្លាយជាមជ្ឈមណ្ឌលផលិត និងនាំចេញក្នុងទីផ្សារអាស៊ាន។
គួរឲដឹងថា ក្រៅពីវៀតណាម Skoda ក៏មានរោងចក្រផលិតរថយន្តនៅក្នុងតំបន់អាស៊ីផងដែរគឺនៅប្រទេសចិន និងឥណ្ឌា៕
ផ្ទាំងផ្សាយពាណិជ្ជកម្ម
