ក្រុមហ៊ុន Subaru បានធ្វើការប្រកាសចេញនូវតម្លៃរថយន្ត Crosstrek ឆ្នាំ ២០២២ ជាមួយជម្រើសម៉ូឌែលប្រភេទធម្មតា និងប្រភេទកូនកាត់ Hybrid។
សម្រាប់តម្លៃរថយន្ត Subaru Crosstrek ស៊េរីឆ្នាំ ២០២២ ប្រភេទ Base Model មានតម្លៃថ្លៃជាងម៉ូដែលកន្លងចំនួន ២០០ដុល្លារ ដោយមានតម្លៃចាប់ពី ២២ ៤៤៥ដុល្លារ ខណៈម៉ូដែលប្រភេទកូនកាន់ hybrid ថ្លៃជាងម៉ូដែលកន្លងចំនួន ៣០០ដុល្លារ ដោយមានតម្លៃចាប់ពី ៣៥ ៦៤៥ដុល្លារ។
ចំនែកម៉ូដែលប្រភេទ Premium មានតម្លៃចាប់ពី ២៣ ៥៩៥ដុល្លារ, ម៉ូឌែលប្រភេទ Sport មានតម្លៃចាប់ពី ២៦ ៧៩៥ដុល្លារ និងប្រភេទ Limited ២៨ ២៩៤ដុល្លារ។
រថយន្ត Subaru Crosstrek ទទួលបាននូវជម្រើសម៉ាស៊ីនចំនួន ៣ប្រភេទរួមមាន ចំណុះ ២.0លីត្រ ៤ស៊ីឡាំង កម្លាំង ១៥២សេះ សម្រាប់បំពាក់លើម៉ូឌែលប្រភេទ Base និង Premium។ ខណៈម៉ូដែល Sport និង limited បំពាក់ម៉ាស៊ីនសាំងចំណុះ ២.៥ លីត្រ Boxer មានកម្លាំង ១៨២ សេះ។ សម្រាប់ម៉ូដែល Hybrid ដំណើរការរួមគ្នារវាងម៉ាស៊ីនចំណុះ ២.០លីត្រ រួមជាមួយម៉ូទ័រអគ្គីសនី២ ដែលមានកម្លាំងបាន ១៤៨ សេះ អាចបើកបរដោយប្រើប្រាស់អគ្គិសនីសុទ្ធបានចម្ងាយ ២៧ គីឡូម៉ែត្រ៕
