[ទីផ្សារបរទេស] ក្រុមហ៊ុនផលិតរថយន្ត Subaru បានធ្វើការដាក់បង្ហាញចេញនៅរថយន្ត Subaru Crosstrek ស៊េរីឆ្នាំ ២០២៥ ទទួលបានការអាប់ដេតបន្ថែម ដែលមានតម្លៃលក់ចាប់ពី ២៧ ១១៥ ដុល្លារ ដល់ ៣៣ ៩១៥ ដុល្លារ ជាតម្លៃលក់ថ្លៃជាងឆ្នាំមុនខ្ទង់ ៥០០ ដុល្លារ ។
សម្រាប់Subaru Crosstrek ស៊េរីឆ្នាំ ២០២៥ បំពាក់ម៉ាស៊ីនប្រភេទ Boxer ចំណុះ ២,០ លីត្រ ទំហំ ៤ស៊ីឡាំង ព្រមទាំងបន្ថែមម៉ាស៊ីនសាំងប្រភេទ Boxer ចំណុះ ២,៥ លីត្រ ទំហំ ៤ស៊ីឡាំងថ្មី អាចផលិតកម្លាំងបាន ១៨២ សេះ និងកម្លាំងរមួល ២៤១ ញ៉ូតុនម៉ែត្រ ភ្ជាប់ដោយប្រអប់លេខអូតូ ប្រភេទបើកបរប៉ុង ២ រួមទាំងរបៀបបើកបរថ្មី X-Mode system ទៀតផង ។
រថយន្តនេះត្រូវបានឌីស្សាញផ្តល់នៅលក្ខណៈបែបស្ព័រជាងមុន ជាមួយប៉ាណាមុខ និងចង្កៀងមុខ LED ត្រូវបានរចនាថ្មី ថាសកង់ស្ព័រទំហំ ១៨ អ៉ីញ និងចង្កៀងក្រោយរចនារាងអក្សរ C ។ លើសពីនេះ ក៏ទទួលប្រព័ន្ធចាប់ហ្វ្រាំងដោយស្វ័យប្រវត្តិ Automatic Emergency ធ្វើការជាមួយប្រព័ន្ធ EyeSight ជាស្តង់ដារផងដែរ ៕
