ក្រុមហ៊ុន Subaru បានប្រកាសចេញនូវតម្លៃនៃរថយន្តម៉ូដែល WRX និង WRX STI ស៊េរីឆ្នាំ២០២១ ជាផ្លូវការ សម្រាប់ទីផ្សារបរទេស ដោយមានតម្លៃចាប់ពី ២៧ ៤៩៥ដុល្លារ និង ៣៧ ២៤៥ដុល្លារ។
រថយន្ត Subaru WRX ចែកចេញជា ៣ ម៉ូដែល គឺ WRX (ប្រភេទ Base Model), WRX Premium និង WRX Limited។ វាមានបំពាក់ម៉ាស៊ីន turbo ចំណុះ ២,០លីត្រ ប្រភេទ Boxer ទំហំ ៤ស៊ីឡាំង មានកម្លាំង ២៦៨សេះ ដំណើរការដោយប្រអប់លេខដៃ ៦វគ្គស្តង់ដារ តែក៏អាចជ្រើសយកប្រអប់លេខអូតូ CVT និងប៉ុងពីរ AWD ជាមួយមុខងារ Active Torque Vectoring។
រថយន្តនេះមានបំពាក់បច្ចេកវិទ្យា EyeSight Driver Assist Technology ដោយរួមមានមុខងារ ដូចជា Lane Departure and Sway Warning, Pre-Collision Throttle Management, Pre-Collision Brake Assist, Lane Keep Assist, Lane Departure Prevention, Lane Vehicle Start Alert ិនង Adaptive Cruise Control។
ដោយឡែក ចំពោះរថយន្ត WRX STI វិញ បំពាក់ម៉ាស៊ីន turbocharged ចំណុះ ២,៥លីត្រ ប្រភេទ Boxer ទំហំ ៤ស៊ីឡាំង មានកម្លាំង ៣១០សេះ ហើយមានបំពាក់ប៉ុងពីរ AWD ជាមួយមុខងារ Active Torque Vectoring និង Vehicle Dynamics Control មកស្តង់ដារ៕
