ក្រុមហ៊ុន Dodge បានប្រកាសពីតម្លៃនៃរថយន្ត Durango SRT Hellcat ដែលនឹងមានតម្លៃចាប់ពី ៨០ ៩៩៥ដុល្លារ សម្រាប់ទីផ្សារសហរដ្ឋអាមេរិក។
រថយន្ត Dodge Durango SRT Hellcat នេះបំពាក់ម៉ាស៊ីនចំណុះ ៦,២លីត្រ Supercharged V8 មានកម្លាំង ៧១០សេះ ប្រើប្រអប់លេខអូតូ ៨វគ្គ និងប៉ុងពីរ AWD មកស្តង់ដារ។ SUV ដ៏អង់អាចនេះអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៣,៥វិនាទី ហើយមានល្បឿនអតិបរមា ដល់ទៅ ២៩០គីឡូម៉ែត្រក្នុងមួយម៉ោង។ មិនតែប៉ុណ្ណោះ វាថែមទាំងអាចអូសសណ្តោងបានទម្ងន់រហូតដល់ទៅជិត ៤តោនទៀតផង។
ផ្ទាំងផ្សាយពាណិជ្ជកម្ម
យ៉ាងណាក៏ដោយ រថយន្ត Durango SRT Hellcat នឹងដាក់ឲ្យបញ្ជាទិញមុននៅចុងឆ្នាំនេះ។ ក្រៅពីម៉ូដែល SRT Hellcat ក្រុមហ៊ុន Dodge ក៏ផ្តល់ជម្រើសជាច្រើនម៉ូដែលទៀត ដូចជា SXT, GT, R/T, Citadel និង SRT 392 ផងដែរ៕
ផ្ទាំងផ្សាយពាណិជ្ជកម្ម
