រថយន្ត Hyundai Palisade ស៊េរីឆ្នាំ២០២១ បានបង្ហាញខ្លួនជាផ្លូវការ នៅក្នុងប្រទេសអូស្ត្រាលី ដោយផ្តល់ជម្រើសកៅអី ៧ ឬ ៨ ជាមួយនឹងម៉ាស៊ីន ២ ជម្រើសផងដែរ។
SUV របស់ប្រទេសកូរ៉េនេះបំពាក់ម៉ាស៊ីនសាំងចំណុះ ៣,៨លីត្រ V6 មនាកម្លាំង ២៩១សេះ ដំណើរការដោយប្រអប់លេខអូតូ ៨វគ្គ និងប៉ុងមួយមកស្តង់ដារ។ ដោយឡែក ម៉ាស៊ីនមួយទៀតគឺ ម៉ាស៊ីនម៉ាស៊ូតចំណុះ ២,២លីត្រ ទំហំ ៤ស៊ីឡាំង មានកម្លាំង ១៩៧សេះ ដំណើរការដោយប្រអប់លេខអូតូ ៨វគ្គ ដូចគ្នា ប៉ុន្តែប្រើប៉ុងពីរ AWD ហើយមានកម្រិតស៊ីប្រេងជាមធ្យម ៧,៣លីត្រ/១០០គីឡូម៉ែត្រ។
ចំពោះតម្លៃរបស់វាវិញគឺចាប់ពី ៤៤ ៩៦០ដុល្លារ សម្រាប់ប្រភេទ Base Model ដែលប្រើម៉ាស៊ីនសាំង ឬ ៤៧ ៩៦០ដុល្លារ សម្រាប់ជម្រើសម៉ាស៊ីនម៉ាស៊ូត។
រថយន្ត Palisade មានបំពាក់អេក្រង់កម្សាន្តទំហំ ១០,២៥អ៊ីញ អាចភ្ជាប់មុខងារ Apple CarPlay, Android Auto, Bluetooth, មានផែនទី, ប្រព័ន្ធសំឡេង Infinity, កុងទ័រ ៧អ៊ីញ និង ប្រព័ន្ធម៉ាស៊ីនត្រជាក់ ៣តំបន់ ជាដើម។
ជាមួយគ្នានេះដែរ វាក៏មានបំពាក់មុខងារ blind spot collision avoidance system, forward collision avoidance, lane keeping assist, lane following assist, rear cross traffic collision avoidance, reversing camera, trailer stability assist, tire pressure monitoring, smart cruise control with stop and go និង high beam assist ទៀតផង៕
