Suzuki នឹងបោះទុនចំនួន ១,៣ពាន់លានដុល្លារ ផលិតឡានអគ្គិសនីនៅប្រទេសឥណ្ឌា

យោងតាមប្រព័ន្ធផ្សព្វផ្សាយជប៉ុន បានរាយការណ៍កាលពីថ្ងៃសៅរ៍ ទី១៩ ខែមីនា ថា ក្រុមហ៊ុន Suzuki Motor គ្រោងនឹងវិនិយោគប្រហែល ១៥០ ពាន់លានយ៉េន (១,២៦ ពាន់លានដុល្លារ) ដើម្បីផលិតរថយន្តអគ្គិសនី និងអាគុយ នៅក្នុងប្រទេសឥណ្ឌា។

នាយករដ្ឋមន្ត្រីជប៉ុន លោក Fumio Kishida កំពុងបំពេញទស្សនកិច្ចនៅប្រទេសឥណ្ឌា កាលពីថ្ងៃសៅរ៍ ដើម្បីជួបសមភាគីឥណ្ឌាលោក Narendra Modi។

ផ្ទាំងផ្សាយពាណិជ្ជកម្ម

ផែនការវិនិយោគរបស់ក្រុមហ៊ុន Suzuki នឹងក្លាយជាផ្នែកមួយនៃការប្រកាសដោយ Kishida ក្នុងអំឡុងពេលធ្វើដំណើររបស់លោក អំពីផែនការវិនិយោគចំនួន ៥ ទ្រីលានយ៉េន ក្នុងរយៈពេល ៥ ឆ្នាំខាងមុខ នៅក្នុងប្រទេសឥណ្ឌា។ នេះបើយោងតាមសារព័ត៌មាន Nikkei។

យ៉ាងណាមិញ Suzuki បានសម្រេចចិត្តបង្កើតខ្សែសង្វាក់ផលិតកម្មរថយន្តអគ្គិសនីថ្មីនៅក្នុងប្រទេសឥណ្ឌា ក្នុងគោលបំណងចាប់ផ្តើមប្រតិបត្តិការនៅដើមឆ្នាំ ២០២៥៕

ផ្ទាំងផ្សាយពាណិជ្ជកម្ម