[ទីផ្សារបរទេស] ក្រុមហ៊ុន Suzuki បញ្ចេញនូវម៉ូតូ Address ស៊េរីឆ្នាំ២០២២ ប្រភេទ Scooter ជាមួយនឹងរូបរាងស្អាត ងាយស្រួលជិះធ្វើដំណើរនៅក្នុងទីក្រុង បានដាក់លក់ក្នុង ១,៤១៣ ដុល្លារសម្រាប់ទីផ្សារក្នុងប្រទេសថៃ។
សម្រាប់ម៉ូតូ Suzuki Addressបំពាក់នូវកន្លែងព្យួរមួកសុវត្ថិភាព ២, ហោប៉ៅខាងមុខ ២ ងាយស្រួលទុកដាក់ អាចប្រើបានយ៉ាងពេញលេញ, ប្រដាប់ព្យួរឥវ៉ាន់ និងប្រអប់ផ្ទុកឥវ៉ាន់នៅក្រោមកៅអីទំហំ ២០,៦ លីត្រ ដែលអាចដាក់មួកសុវត្ថិភាពបានយ៉ាងងាយស្រួល។
វាមានប្រវែង ១,៨៤៥ មម, ទទឺង ៦៦៥ មម, កម្ពស់ ១,០៩៥ និងកម្ពស់ពីដីមកកែបម៉ូតូ ១២០ មម។ បន្ថែមពីនេះធុងសាំងរបស់វាអាចផ្ទុកបានដល់ចំណុះ ៥.២ លីត្រ និងទម្ងន់ ៩៨ គីឡូក្រាមព្រមទាំងភ្ជាប់មកជាមួយសំបកកង់ខាងមុខទំហំ ៨០/៩០-១៤M/C ៤០P និងក្រោយទំហំ 80/៩០-១៤M/C ៤៦P ផងដែរ។
ម៉ូតូ Suzuki Addressប្រ់ើប្រាស់ម៉ាស៊ីន ១ ស៊ីឡាំង ជាមួយប្រព័ន្ធស្អំប្រេង Air-cooled ចំណុះ ១១៣ សេសេ និងភ្ជាប់ជាមួយប្រអប់លេខអូតូ V-Belt ៕
ប្រភព៖ th-bigbike
