រថយន្ត Suzuki Jimny បានបង្ហាញវត្តមានជាផ្លូវការនៅទីផ្សារប្រទេសម៉ាឡេស៊ី ជាប្រភេទដែលនាំចូលពីប្រទេសជប៉ុនផ្ទាល់ ដែលតម្លៃរបស់វាគឺមានចាប់ពីប្រមាណ ៤០ ៣០០ដុល្លារ។
Suzuki Jimny ដែលដាក់លក់នៅម៉ាឡេស៊ីជាស៊េរីឆ្នាំ២០២១ ដែលមានជម្រើសលេខអូតូតែមួយប៉ុណ្ណោះ ដែលប្រើជាមួយម៉ាស៊ីនចំណុះ ១,៥លីត្រ ៤ស៊ីឡាំង ដែលអាចផលិតកម្លាំងបាន ១០១សេះ ហើយវាក៏មានមកជាស្តង់ដារនូវប្រព័ន្ធបើកបរវិលកង់ទាំងបួន ឬប៉ុងពីរផងដែរ។
ផ្ទាំងផ្សាយពាណិជ្ជកម្ម
មុខងារលេចធ្លោលើរថយន្ត Jimny ឆ្នាំ២០២១នេះ មានដូចជាអំពូលភ្លើង និងអំពូលបំភ្លឺពេលថ្ងៃជាប្រភេទ LED, កង់ទំហំ១៥អ៊ីញ, ម៉ាស៊ីនត្រជាក់ស្វ័យប្រវត្តិ, ពោងសុវត្ថិភាពចំនួនពីរ និងប្រព័ន្ធហ្វ្រាំងរក្សាលំនឹង ហើយអតិថិជនមានជម្រើសពណ៌ខាងក្រៅចំនួន៥ពណ៌ផងដែរ៕
ផ្ទាំងផ្សាយពាណិជ្ជកម្ម
