[បរទេស] ក្រុមហ៊ុនផលិតរថយន្ត Tata ជាក្រុមហ៊ុនចុងក្រោយរបស់ប្រទេសឥណ្ឌា ដែលបានដាក់បង្ហាញចេញនៅគំរូរថយន្តអគ្គិសនីប្រភេទ SUV របស់ខ្លួនដែលមានចំនួន ២ ម៉ូដែលរួមមាន Sierra.ev និង Harrier.ev នៅក្នុងពិរពណ៌រថយន្ត Auto Expo 2023 ។
ម៉ូដែលទាំងពីរនេះបង្ហាញពីការផ្លាស់ប្តូរដ៏សំខាន់នៅក្នុងរថយន្តប្រភេទ SUV របស់យីហោឥណ្ឌា។ ដោយម៉ូដែល Sierra.ev កំពុងកំណត់គោលដៅអ្នកបើកបរដែលចូលចិត្តផ្សងព្រេង ឬ Off-Road ដែលមានទ្វារខាងក្រោយប្រភេទ clamshell Tailgate និងកាប៊ីនធំទូលាយ។
ទន្ទឹមនឹងនេះដែរ Harrier.ev អាចផ្ទុកអ្នកដំណើរបានរហូតដល់ ៥ នាក់ និងមាន DNA ដូចគ្នាទៅនឹង Land Rover Defender នៅក្នុងការស្ថាបនាស្ថាបត្យកម្ម OMEGA Architecture របស់ខ្លួន។
ខណៈពេលដែលព័ត៌មានលម្អិត និងតួរលេខដំណើរការសម្រាប់ម៉ូដែលទាំង ២ ក្រុមហ៊ុននៅមិនទាន់បានបញ្ចេញនៅឡើយទេ ទាំងផ្នែកខាងក្នុង និងការរចនាដែលភ្ជាប់ជាមួយនឹងការផ្តល់ជូនអគ្គិសនី។
គួរបញ្ជាក់ផងដែរថា នៅដើមដំបូងនៃការប្រើប្រាស់រថយន្តអគ្គិសនី ការផ្តល់ជូនភាគច្រើនគឺរថយន្តប្រភេទ sedans ឬ hatchback ។ ប៉ុន្តែអ្វីៗបានផ្លាស់ប្តូរក្នុងរយៈពេលប៉ុន្មានឆ្នាំកន្លងមកនេះ ហើយឥឡូវនេះភាគហ៊ុនរបស់រថយន្តប្រភេទ SUV អគ្គិសនីកំពុងកើនឡើងជាលំដាប់នៅលើពិភពលោក៕
