ក្រុមហ៊ុន Tesla បានក្លាយជាក្រុមហ៊ុនរថយន្តប្រណីតធំលំដាប់ទី៤នៅសហរដ្ឋអាមេរិក កាលពីឆ្នាំ ២០២០ ដោយទិន្នន័យពីមជ្ឈមណ្ឌលស្រាវជ្រាវព័ត៌មាន និងទិន្នន័យយានយន្ត បានបង្ហាញថា Tesla បានចុះបញ្ជីរថយន្តថ្មីចំនួន ២០០ ៥៦១គ្រឿង។
ចំនួនរថយន្តចុះបញ្ជីរបស់ Tesla អាចឲ្យក្រុមហ៊ុននេះនាំមុខក្រុមហ៊ុនរថយន្តប្រណីត Audi ដែលមានការាយការណ៍ពីរថយន្តថ្មីចុះបញ្ជីចំនួន ១៨៣ ៥៩៤គ្រឿង។ ចំណាត់ថ្នាក់លេខ១គឺ BMW ដែលមានចំនួន ២៨៧ ២៥៩រថយន្តបានចុះបញ្ជី ហើយលេខ៣គឺ Lexus ជាមួយរថយន្ត ២៧១ ៣៨៤គ្រឿង និង Mercedes-Benz មានចំនួន ២៦៥ ៦០០គ្រឿង។
គួរដឹងថា Tesla មិនបានបង្ហាញចំនួនរថយន្តដែលបានលក់ចេញលើទីផ្សារសហរដ្ឋអាមេរិកកាលពីឆ្នាំ ២០២០ នោះទេ គឺបង្ហាញចំនួនលក់សរុបលើពិភពលោកតែម្ដង ដូចនេះមានតែពឹងផ្អែកលើទិន្នន័យនៃការចុះបញ្ជីប៉ុណ្ណោះ។ កាលពីឆ្នាំ ២០២០ កន្លងទៅនេះមានរថយន្តសរុប ១៤,៦លានគ្រឿង បានលក់ចេញនៅសហរដ្ឋអាមេរិក ហើយមានរថយន្ត ១៤,២លានគ្រឿងបានចុះបញ្ជី៕
