បន្ទាប់ពីប្រកាសដាក់លក់នៅទីផ្សារអឺរ៉ុបមួយខែមុន ពេលនេះ ក្រុមហ៊ុន Tesla បានចាប់ផ្តើមបើកទទួលការបញ្ជាទិញជាផ្លូវការសម្រាប់រថយន្ត Tesla Model Y Performance អាប់ដេតថ្មីនៅសហរដ្ឋអាមេរិករបស់ខ្លួនហើយ ដោយក្នុងនោះ គឺមានតម្លៃលក់ខ្ទង់តែ ៥៧ ៤៩០ដុល្លារតែប៉ុណ្ណោះ។
ទៅលើការរចនា សម្រាប់ Tesla Model Y Performance ដែលបានអាប់ដេតថ្មីនេះ ក៏ទទួលបាននូវថ្មដែលមានដង់ស៊ីតេខ្ពស់ជាងមុន ក៏ដូចជាថាសកង់ទំហំ ២១អ៊ីញ ប្រភេទ Arachnid និងបច្ចេកវិទ្យាសាកថ្មលឿនជាងមុនផងដែរ។ ខណៈផ្នែកខាងក្នុងវិញ ក៏មានការរចនាទំហំធំជាងមុខបន្តិចផងដែរ។
ផ្ទាំងផ្សាយពាណិជ្ជកម្ម
ទាក់ទងនឹងកម្លាំង និងសមត្ថភាពរបស់ Tesla Model Y Performance ថ្មីនេះ គឺអាចជាន់ស្ទុះពី ០ ទៅ ១០០គ.ម/ម៉ោង ក្នុងរយៈពេលត្រឹមតែ ៣,៣វិនាទីប៉ុណ្ណោះ ហើយចម្ងាយបើកបរវិញ ក៏អាចបើកបរបានកាន់តែឆ្ងាយដល់ទៅ ៤៩៦គីឡូមែ៉ត្រផងដែរ៕
ផ្ទាំងផ្សាយពាណិជ្ជកម្ម
