ក្រុមហ៊ុន Tesla នឹងធ្វើការប្រមូលរថយន្ត Model S និង Model X សេរ៊ីឆ្នាំ២០២១ ចំនួន ៧ ៦០០គ្រឿងត្រមកវិញ បន្ទាប់ពីរកឃើញមានបញ្ហាពោងសុវត្ថិភាពនៅលើទ្វាជំហៀងខាងអ្នកបើកបរ ដែលអាចមិនដំណើរការក្នុងការការពារ។
ការជូនដំណឹងអំពីការប្រមូលមកវិញដែលចេញដោយរដ្ឋបាលសុវត្ថិភាពចរាចរណ៍ផ្លូវជាតិ (NHTSA) កត់សម្គាល់ថា អ្នកផ្គត់ផ្គង់បានចាប់ផ្តើមផលិតពោងសុវត្ថិភាពនៅទ្វាជំហៀងនៅថ្ងៃទី ២៩ ខែមិថុនា ឆ្នាំ ២០២១ ហើយបន្តផលិតរហូតដល់ថ្ងៃទី ៨ ខែកញ្ញា ឆ្នាំ ២០២១។
ជាមួយការប្រមូលត្រឡប់មកវិញនេះ Tesla នឹងប្រមូលរថយន្ត Model S ឆ្នាំ២០២១ ផលិតនៅចន្លោះថ្ងៃទី ២១ ខែមិថុនា ដល់ ថ្ងៃទី ២៩ ខែមិថុនា ឆ្នាំ២០២១ ចំណែក Model X ឆ្នាំ២០២១ គឺផលិតនៅថ្ងៃទី ៣ ខែកញ្ញា ឆ្នាំ២០២១ ដល់ថ្ងៃទី ២៣ ខែកញ្ញា ឆ្នាំ២០២១។
ក្រុមហ៊ុន Tesla បាននិយាយថា ខ្លួននឹងមានដំណោះស្រាយសម្រាប់បញ្ហាពោងសុវត្ថិភាពលើរថយន្ត Model X និង Model S ទាន់ពេលវេលា ដោយវានឹងចាប់ផ្តើមនៅដើមឆ្នាំក្រោយ ដោយសន្យាថាពួកគេនឹងទទួលបានការជូនដំណឹងដើម្បីទៅជួបអ្នកចែកចាយរបស់ពួកគេសម្រាប់ការផ្លាស់ប្តូរពោងសុវត្ថិភាពថ្មីនៅក្នុងខែមករា៕
