កាលពីថ្ងៃទី ២០ ធ្នូកន្លងទៅនេះ ក្រុមហ៊ុន Toyota បានធ្វើការប្រកាសអំពីផលិតកម្មថ្មីទី២ សម្រាប់ម៉ាស៊ីន TNGA ១,៥ លីត្រជំនាន់ចុងក្រោយនៅរោងចក្រ TMMP ត្រូវបានដំឡើងនៅលើរថយន្ត Yaris និង Yaris Cross ។
សម្រាប់រោងចក្រ TMMP បានចាប់ផ្តើមផលិតរថយន្តក្នុងស្រុកនៃម៉ាស៊ីនកូនកាត់ Hybrid Transaxle តាំងពីឆ្នាំ ២០១៨ មកម្ល៉េះ។ បន្ថែមពីនេះ ម៉ាស៊ីនកូនកាត់ Hybrid Transaxle គឺជាផ្នែកមួយដ៏សំខាន់នៃម៉ាស៊ីន hybrid។ ត្រឡប់មកវិញការផលិតរថយន្ត Hybrid នៅអឺរ៉ុបត្រូវបានបំពាក់ដោយ transaxles សម្រាប់ម៉ាស៊ីន Hybrid ដែលផលិតនៅប្រទេសជប៉ុន ប៉ុន្តែចាប់ពីឆ្នាំ ២០១៨ ការផលិតត្រូវបានផ្ទេរទៅ TMMP វិញ។
៣ឆ្នាំបន្ទាប់មក ក្រុមហ៊ុន Toyota កំពុងផ្តោតលើយានយន្តអគ្គិសនី ក្នុងពេលអនាគត ដោយផលិតគ្រឿងបន្លាស់សម្រាប់រថយន្តអគ្គិសនីនៅអឺរ៉ុប និងម៉ាស៊ីនជំនាន់ចុងក្រោយដែលត្រូវបានរចនាឡើងដោយផ្អែកលើគ្រោងឆ្អឹង TNGA (Toyota New Global Architecture) ដែលបន្តវិនិយោគ។ បន្ថែមពីនេះ ក្រុមហ៊ុន Toyota ក៏បានលក់រថយន្ត Hybrid នៅទីផ្សារអឺរ៉ុបបានកើនទ្បើង ដែលមានចំនួនពី ៣០% ដល់ ៦០% សម្រាប់រថយន្តលក់នៅក្នុងតំបន់អឺរ៉ុប និងឈានដល់ ៧០% ទៀតនៅក្នុងអឺរ៉ុបខាងលិច ក្នុងរយៈពេល ៣ ឆ្នាំចុងក្រោយនេះ។
យ៉ាងណាមិញចំពោះរថយន្ត hybrid មានអត្ថប្រយោជន៍ក្នុងការកាត់បន្ថយការបំភាយឧស្ម័ន CO2 ហើយការលក់រថយន្ត Toyota និង Lexus នៅអឺរ៉ុបគឺខ្លាំង។ Toyota Motor Europe និយាយថា ខ្លួនអាចបង្កើនចំណែកទីផ្សាររបស់ខ្លួន ខណៈពេលដែលសម្រេចបាននូវការកាត់បន្ថយ CO2 ឈានមុខគេក្នុងឧស្សាហកម្មនេះ៕
