[បរទេស] ក្រុមហ៊ុនផលិតរថយន្ត Toyota បានធ្វើការដាក់បង្ហាញចេញនៅគំរូរថយន្តអគ្គិសនីចំនួនគឺ Toyota bZ Sport ប្រភេទ Crossover និង Toyota bZ FlexSpace ជាលើកដំបូងនៅឯពិព័រណ៌រថយន្ត Auto Shanghai 2023 ។
សម្រាប់រថយន្ត Toyota bZ Crossover Concept ជារថយន្តអគ្គិសនីចូលរួមសហការផលិតដោយក្រុមហ៊ុន Toyota BYD Toyota EV Technology Co.,LTD FAW Toyota ជាដើម ។ គំរូររថយន្ត ត្រូវបានបង្កើតឡើងក្រោមគំនិត “Roboot” ដោយសង្កត់ធ្ងន់លើការរចនាផ្នែកខាងក្រៅប្រកបដោយថាមពល និងមានអត្តសញ្ញាណផ្ទាល់ខ្លួន ជាមួយនឹងកាប៊ីនដែលសាកសមសម្រាប់អតិថិជន Gen Z វ័យក្មេង រួមទាំងអាចធ្វើបច្ចុប្បន្នភាពមុខងារផ្សេងៗដូចជា ប្រព័ន្ធជំនួយការបើកបរ និងជំនួយការចតដោយស្វ័យប្រវត្តិ ជាលទ្ធផល អតិថិជនអាចរីករាយជាមួយមុខងារផ្សេងៗ។
ចំពោះ Toyota bZ FlexSpace Concept រថយន្តអគ្គិសនីចូលរួមសហការផលិតដោយក្រុមហ៊ុន Toyota និង GAC នៅប្រទេសចិន ។ Toyota bZ FlexSpace Concept ត្រូវបានផលិតឡើងជាប្រភេទ SUV អគ្គិសនីដែលស័ក្តិសមសម្រាប់ការប្រើប្រាស់ជាលក្ខណៈគ្រួសារក្រោមគំនិតនៃ “Cozy Home” ដែលមានភ្ជាប់មកជាមួយកាប៊ីនទំហំធំ មានប្រព័ន្ធសុវត្ថិភាពកម្រិតខ្ពស់ អាចបើកបរផ្លូវឆ្ងាយ រួមទាំងមុខងារឆ្លាតវៃជាច្រើន ។
គួរឲ្យដឹងថា Toyota bZ Sport Crossover Concept និង bZ FlexSpace Concept គ្រោងនឹងចេញលក់នៅប្រទេសចិនក្នុងឆ្នាំ ២០២៤ ហើយជារថយន្តអគ្គិសនីពីរក្នុងចំណោមរថយន្តទាំង ១០ ដែលនឹងត្រូវដាក់បង្ហាញនៅឆ្នាំ ២០២៦ ៕
