ក្រុមហ៊ុនផលិតរថយន្ត Toyota បានប្រកាសដាក់់បង្ហាញចេញជាផ្លូវការនូវជម្រើសថ្មី Nightshade សម្រាប់រថយន្ត Toyota Prius ស៊េរីឆ្នាំ២០២៥ ជាមួយតម្លៃលក់ចាប់ពី ២៨ ៣៥០ ដុល្លារ សម្រាប់ Prius LE និងចាប់ពី ៣២ ៤៩៥ ដុល្លារ សម្រាប់ Nightshade នៅក្នុងទីផ្សារសហរដ្ឋអាមេរិក។
ទាក់ទងទៅនឹងផ្នែកម៉ាស៊ីន រថយន្ត Toyota Prius ស៊េរីឆ្នាំ២០២៥ គ្រប់ជម្រើសទាំងអស់ដំណើរការដោយ៖
- ម៉ាស៊ីនចំណុះ ២,០ លីត្រ ទំហំ ៤ ស៊ីឡាំង ផ្គួបជាមួយម៉ូទ័រអគ្គិសនីចំនួន១ (FWD) អាចផលិតកម្លាំងសរុបបាន ១៩៤ សេះ ជាន់ពី ០ ទៅ ១០០គ.ម/ម៉ោង ប្រើពេល ៧វិនាទី។
- ម៉ាស៊ីនចំណុះ ២,០ លីត្រ ទំហំ ៤ ស៊ីឡាំង ផ្គួបជាមួយម៉ូទ័រអគ្គិសនីចំនួន២ (AWD) អាចផលិតកម្លាំងសរុបបាន ១៩៦ សេះ ជាន់ពី ០ ទៅ ១០០គ.ម/ម៉ោង ប្រើពេល ៧,២វិនាទី ។
សម្រាប់ការរចនាផ្នែកខាងក្រៅ Toyota Prius ស៊េរីឆ្នាំ២០២៥ ត្រូវបានរចនាឡើងជាមួយរូបរាងលក្ខណៈបែបស្ព័រ ស្របតាមរចនាថ្មីរបស់ក្រុមហ៊ុន Toyota បំពាក់ជាមួយថាសកង់ alloy wheel ទំហំ ១៩អ៊ីញ និងលក្ខណៈពិសេសៗផ្សេងៗទៀតជាដើម រួមជាមួយនឹងជម្រើសពណ៌ Karashi Yellow, Midnight Black Metallic និង Wind Chill Pearl ។
លើសពីនេះ ក៏ទទួលបាននៅប្រព័ន្ធសុវត្ថិភាព Toyota Safety Sense 3.0 ទៀតផង មានដូចជា Pre-Collision System with Pedestrian Detection, radar cruise control, Lane Departure Alert with Steering Assist, Lane Tracing Assist, Road Sign Assist, Automatic High Beams និង Proactive Driving Assist ៕
