ក្រុមហ៊ុន Toyota បានចេញការប្រកាសប្រមូលចូលរោងចក្រវិញ នូវរថយន្តម៉ូដែល Venza ពីឆ្នាំ២០០៩-២០១៥ សរុបជាង ៣៧០ ០០០ គ្រឿងនៅទូទាំងពិភពលោក។
រដ្ឋបាលសុវត្ថិភាពចរាចរណ៍ផ្លូវហាយវ៉េជាតិ (NHTSA) បានឲ្យដឹងថា រថយន្ត Venza ស៊េរីឆ្នាំ២០០៩ ដល់ ២០១៥ សរុប ៣៧៣ ០០០ គ្រឿងខាងលើ មាន ២៧៩ ០៤០ គ្រឿងកំពុងស្ថិតនៅសហរដ្ឋអាមេរិក។ NHTSA បានបញ្ជាក់ថា រថយន្តទាំងនោះមានបញ្ហាខ្សែភ្លើង ដែលអាចរារាំងពោងផ្នែកចំហៀងមិនឲ្យផ្ទុះ ពេលមានគ្រោះថ្នាក់។
ក្រុមហ៊ុន Toyota បញ្ជាក់ថា រថយន្ត Venza មានសេនស័រពោងសុវត្ថិភាពនៅទ្វារខាងមុខរបស់អ្នកបើកបរ។ វាត្រូវបានភ្ជាប់ទៅនឹងប្រព័ន្ធជំនួយបន្ថែម Supplemental Restraint System (SRS) ECU ដោយខ្សែភ្លើងពីរ ដែលត្រូវបានបញ្ចោញតាមទ្វារចូលតួរថយន្តតាមរយៈរងមួយ។
យោងតាមក្រុមហ៊ុនផលិតរថយន្តជប៉ុនខាងលើ បានបង្ហាញថា ភាពខុសគ្នាកាន់តែធំរវាងប្រវែងរណបខ្សែភ្លើង និងប្រវែងរងរថយន្តដែលរងផលប៉ះពាល់ ជាហេតុធ្វើឲ្យខ្សែភ្លើងបត់ បណ្តាលឲ្យខ្សែភ្លើងបាក់ឆ្អឹង និងខូច។ ប្រសិនបើរឿងនេះកើតឡើង ភ្លើងព្រមានពោងសុវត្ថិភាព SRS នឹងលោតឡើង ហើយសេនស័រពោងសុវត្ថិភាពនៅក្នុងទ្វារខាងមុខរបស់អ្នកបើកបរ នឹងមិនអាចដំណើរការបាននោះទេ។
សូមបញ្ជាក់ថា រថយន្ត Venza ដែលរងផលប៉ះពាល់ ត្រូវបានផលិតឡើងនៅចន្លោះថ្ងៃទី ១៣ ខែឧសភា ឆ្នាំ ២០០៨ និងថ្ងៃទី ៨ ខែកក្កដា ឆ្នាំ ២០១៥៕
