Toyota ទើបតែបានប្រកាសចេញរថយន្ត Corolla Cross នៅក្នុងប្រទេសថៃ ហើយវាក៏នឹងប្រកាសចេញនៅទីផ្សារដទៃមួយចំនួនទៀតផងដែរ។
ទោះជាយ៉ាងណា ក្រុមហ៊ុន Toyota Motor North America បានឲ្យដឹងថា “Corolla Cross គឺជារថយន្ត Toyota ថ្មីដ៏គួរឲ្យចាប់អារម្មណ៍មួយ ដែលនឹងមានលក់នៅលើទីផ្សារមួយចំនួន នៅជុំវិញពិភពលោក។ នៅពេលនេះ មិនទាន់មានការសម្រេចចិត្ត ឬប្រកាសថាវានឹងមានលក់នៅសហរដ្ឋអាមេរិកឡើយ”។
ផ្ទាំងផ្សាយពាណិជ្ជកម្ម
រថយន្ត Corolla Cross ប្រើគ្រោងឆ្អឹង TNGA មានប្រវែង ៤,៤ម៉ែត្រ ទទឹង ១,៨ម៉ែត្រ និងកម្ពស់ ១,៦ម៉ែត្រ។ វាបំពាក់ម៉ាស៊ីនចំនួន ២ ជម្រើសគឺ ម៉ាស៊ីនសាំងចំណុះ ១,៨លីត្រ មានកម្លាំង ១៣៨សេះ និង ម៉ាស៊ីន Hybrid ចំណុះ ១,៨លីត្រ កម្លាំង ១២០សេះ។
Corolla Cross ក៏មានបំពាក់ប្រព័ន្ធសុវត្ថិភាពខ្ពស់ TSS (Toyota Safety Sense) ហើយមាន ៤ ជម្រើសដូចជា៖
- Hybrid Premium Safety តម្លៃប្រហាក់ប្រហែល ៣៨ ៥០០ ដុល្លារសហរដ្ឋអាមេរិក
- Hybrid Premium តម្លៃប្រហាក់ប្រហែល ៣៥ ០០០ ដុល្លារសហរដ្ឋអាមេរិក
- Hybrid Smart តម្លៃប្រហាក់ប្រហែល ៣២ ៦០០ ដុល្លារសហរដ្ឋអាមេរិក
- 1.8 Sport តម្លៃប្រហាក់ប្រហែល ៣០ ៧០០ ដុល្លារសហរដ្ឋអាមេរិក
បញ្ជាក់៖ តម្លៃខាងលើសម្រាប់ទីផ្សារក្នុងស្រុករបស់ប្រទេសថៃ
ផ្ទាំងផ្សាយពាណិជ្ជកម្ម
