[បរទេស] ក្រុមហ៊ុនផលិតរថយន្ត Toyota បង្ហាញទិន្នន័យនៃការលក់របស់ខ្លួនក្នុងឆ្នាំសារពើពន្ធ ២០២៤ បានចំនួនសរុបទៅ ១០ ៣០៩ ៤៥៧គ្រឿង កើនឡើង ៧,៣% ពីឆ្នាំ ២០២៣ ជាចំនួនច្រើនបំផុតក្នុងប្រវត្តសាស្រ្តរបស់ក្រុមហ៊ុន រួមទាំងជាចំនួនខ្ពស់បំផុតពីក្រុមហ៊ុនផ្សេងទៀតផងដែរ ដែលបានគិតពីថ្ងៃទី ១ ខែមេសា ឆ្នាំ ២០២៣ ដល់ថ្ងៃទី ៣១ ខែមិនា ឆ្នាំ ២០២៤ ។
ជាមួយគ្នានេះ តួលេខបូករួមទាំងក្រុមហ៊ុន Lexus លក់នៅក្រៅទីផ្សារប្រទេសជប៉ុនចំនួន ៨៥,១៦% ខណៈការលក់នៅក្នុងប្រទេសជប៉ុនរបស់ក្រុមហ៊ុនទាំង ២ នេះ បានចំនួន ១ ៥២៩ ៨១៨ គ្រឿង ។
រីឯការលក់នៅទីផ្សារដ៏ទៃបានចំនួន ៨,៨ លានគ្រឿង ក្នុងនោះទីផ្សារអាមេរិកខាងជើងមានចំនួន ៣១,១% ចំណែកចំនួនដែលនៅសល់ក្នុងទីផ្សារអាស៊ី រួមទាំងប្រទេសចិនមានចំនួន ៣៧,៦% នៃលទ្ធផលជាសកលរបស់ Toyota ។ ថ្វីបើជាម៉ាកដែលលក់ដាច់បំផុតជាមួយនឹងរឹមគួរឱ្យកត់សម្គាល់ក៏ដោយ ចំពោះនៅក្នុងទីផ្សាររបស់ប្រទេសអូស្ត្រាលីគឺមានចំនួនតិចគឺ ២៤៦ ៣៩ ៦ គ្រឿងប៉ុណ្ណោះ ដែលស្មើនឹង ២,៨ ភាគរយនៃលទ្ធផលសរុបនៃឆ្នាំសារពើពន្ធ ២០២៤ ។
គួរបញ្ជាក់ផងដែរថា សម្រាប់ការលក់របស់ Toyota ក្នុងឆ្នាំសារពើពន្ធ ២០២៤ ដោយរថយន្តកូនកាត់មានលក់បានចំនួន ៣៣,២% នៃចំនួនសរុបទាំងអស់ ៕
