[ទីផ្សារបរទេស] ក្រុមហ៊ុនផលិតរថយន្ត Toyota ប្រចាំនៅទីផ្សារចក្រភពអង់គ្លេស បានធ្វើការប្រកាសបញ្ចេញនៅតម្លៃលក់ជាផ្លូវការនៅភីកអាប់ Toyota Hilux GR Sport II ស៊េរីឆ្នាំ ២០២៤ ដែលមានតម្លៃលក់ចាប់ពី ៦២ ៣៣០ ដុល្លារ ។
Toyota Hilux GR Sport II ស៊េរីឆ្នាំ ២០២៤ ដំណើរការដោយម៉ាស៊ីនម៉ាស៊ូតចំណុះ ២,៨ លីត្រ Turbo អាចផលិតកម្លាំងបាន ២០១ សេះ និងកម្លាំងរមួល ៥០០ ញ៉ូតុនម៉ែត្រ ភ្ជាបដោយប្រអប់លេខអូតូ ៦វគ្គ ប្រភេទបើកបរប៉ុង ២ 4-wheel drive ជាស្តង់ដារ និងមានសមត្ថិភាពអូសសណ្តោងបានដល់ ៣៥០០ គីឡូក្រាម ក្នុងនោះ Toyota អះអាងថា Hilux GR Sport II គឺជាភីកអាប់ដែលមានការបើកបរបានល្អបំផុត ។
ភីកអាប់នេះ មានកំពស់ខ្ពស់ជាងមុន ២០ មម សម្រាប់នៅផ្នែកខាងមុខបំពាក់ប៉ាណារាងជាសំបុកឃ្មុំពណ៌ខ្មៅជាមួយឡូហ្គោ TOYOTA នៅចំកណ្តាល រួមទាំងកាងការពារបែបស្ព័រ ព្រមទាំងប្រើប្រាស់នៅថាសកង់ស្ព័រទំហំ ១៧អ៉ីញ ផ្តល់នៅរូបរាងហាប់ណែន ជាពិសេសអំណាចជាងមុនផងដែរ ។
ចំពោះនៅផ្នែកខាងក្នុងវិញ មានភ្ជាប់មកជាមួយអេក្រង់កំសាន្ត touchscreen ទំហំ ៨អ៉ី អាចប្រើប្រាស់មុខងារ Apple CarPlay និង Android Auto កៅអីបែបស្ព័រពណ៌ខ្មៅអបដោយឡូហ្គោ GR និងឧបករណ៍បំពងសំឡេងម៉ាក JBL ចំនួន ៩ចំនុចជាដើម ៕
