ក្រុមហ៊ុន Toyota នៅប្រទេសអូស្ត្រាលីបានបញ្ជាក់ថា រថយន្ត LandCruiser 300 Series Hybrid ដំបូងរបស់ខ្លួនគ្រោងនឹងដាក់លក់នៅក្នុងប្រទេសអូស្ត្រាលីនៅដើមឆ្នាំ ២០២៦។
តាមការបញ្ជាក់របស់ក្រុមហ៊ុន រថយន្ត LandCruiser 300 Series Hybrid នេះនឹងប្រើប្រាស់ ម៉ាស៊ីនសាំងទំហំ៦សុីឡាំង Twin-turbo ចំណុះ ៣.៥លីត្រ ផ្គូងផ្គង់ជាមួយប្រអប់លេខអូតូ ១០វគ្គ រួមជាបញ្ចូលជាមួយម៉ូទ័រត្រូម៉ូទ័រអគ្គិសនី អាចផលិតកម្លាំងបាន ៤៥៧សេះជាមួយកម្លាំងរមូួល ៧៩០ញូតុនម៉ែត្រ ស័ក្ដិសមបំផុតក្នុងការបើកបរគ្រប់ស្ថានភាពផ្លូវ។
រថយន្ត LandCruiser 300 Series Hybrid ត្រូវបានការធ្វើតេស្តទាំងក្នុងលក្ខខណ្ឌអាកាសធាតុក្តៅ និងត្រជាក់នៅតំបន់មជ្ឈិមបូព៌ា ដើម្បីធានាថារថយន្ដត្រូវបានផលិតឡើង ដោយគិតគូរជាពិសេសផ្ដោតលើសមត្ថភាពក្នុងការបើកបរជម្នះគ្រប់ឧបសគ្គ រួមជាមួយភាពជឿជាក់ ជាចម្បង។ រថយន្ដ LandCruiser Hybrid មានពីរជម្រើសមានទាំងម៉ូឌែល GR Sport បំពាក់ដោយកង់ទំហំ ១៨អុីញ កាងមុខក្រោយរឹងមាំ និងម៉ូដែល VXR បំពាក់មកជាមួយគ្រឿងតុបតែងលម្អរក្រូម៉េ និងកង់ទំហំ ២០អុីញ ស្រដៀងទៅនឹងម៉ូឌែល Sahara ZX ដាក់លក់នៅទីផ្សារអូស្ត្រាលី។
LandCruiser 300 Series Hybrid នឹងក្លាយជាគូប្រជែងរបស់រថយន្ដ Nissan Patrol Y63 ជំនាន់ក្រោយគ្រោងនឹងមកដល់អូស្ត្រាលីនៅចុងឆ្នាំក្រោយ ឬដើមឆ្នាំ២០២៧ ជាមួយនឹងម៉ាស៊ីនសាំង ទំហំ ៦សុីឡាំង twin-turbo ដែលមានកម្លាំងខ្លាំងជាងមុន៕
