[ទីផ្សារបរទេស] កាលពីពេលថ្មៗកន្លងទៅនេះ យោងតាមគេទំព័រ Indonesian auto media បានឲ្យដឹងថា រថយន្ត Toyota Yaris Cross ស៊េរីថ្មីចុងក្រោយ ជាមួយរថយន្តដែលលក់ដាច់ជាងគេក្នុងចំណោមរថយន្ត ២០ ម៉ូដែលផ្សេងទៀត ដោយលក់ចំនួន ១៨៤៩ គ្រឿងក្នុងការចេញលក់ដំបូងនៅក្នុងខែកក្កដា ឆ្នាំ ២០២៣ ។
គួរបញ្ជាក់ផងដែរថា ក្រុមហ៊ុន Toyota បានបង្កើនការផលិតរថយន្ត YARIS CROSS ម៉ូដែលកូនកាត់ជាមួយនឹងតម្រូវការខ្ពស់ ហើយក្រុមហ៊ុននឹងផ្តោតលើការផលិតម៉ូដែលកូនកាត់ hybrid គ្រោងនឹងវាយលុកទីផ្សាររបស់ខ្លួន ។ លើសពីនេះ Toyota នឹងផលិត Yaris Cross ប្រភេទ Hybrid ទាំងស្រុង ឬស្មើនឹង ១ ៨០០ គ្រឿងក្នុងមួយខែ។
មិនត្រឹមតែប៉ុណ្ណោះ ក្រុមហ៊ុនក៏មានគោលបំណងផលិតរថយន្តនេះ ច្រើនជាង ៣៦ ០០០ គ្រឿងក្នុងប្រទេសឥណ្ឌូនេស៊ី ។ សម្រាប់រថយន្ត Toyota Yaris Cross ស៊េរីថ្មីចុងក្រោយ ចេញលក់នៅក្នុងទីផ្សារប្រទេសឥណ្ឌូនេស៊ី ជាមួយតម្លៃលក់ចាប់ពី ២៣ ០០៩ ដុល្លារ ដល់ ២៩ ៤៧៤ ដុល្លារ ៕
