Toyota បានប្រកាសអំពីគោលដៅចំណាយទឹកប្រាក់១៤ពាន់លានដុល្លារ ទៅក្នុងការអភិវឌ្ឍន៍បច្ចេកវិទ្យាអាគុយនៅត្រឹមឆ្នាំ២០៣០នេះ ដែលនឹងត្រូវចំណាយធំលើអាគុយលីចូម និងអាគុយស្ងួត។
នាយកផ្នែកបច្ចេកទេសរបស់ Toyota ឈ្មោះថា Masahiko Maeda បាននិយាយថាក្រុមហ៊ុន Toyota កំពុងពិចារណាប្រើប្រាស់អាគុយស្ងួត ដោយមិនមែនប្រើតែនៅលើរថយន្តអគ្គិសនីសុទ្ធនោះទេ ប៉ុន្តែក៏នឹងប្រើប្រាស់លើរថយន្ត Hybrid ផងដែរ។
ដោយឡែកសម្រាប់អាគុយលីចូមវិញ Toyota ក៏មានគម្រោងអភិវឌ្ឍន៍អាគុយប្រភេទនេះឲ្យបានកាន់តែល្អប្រសើរ ក្នុងគោលបំណងកាត់បន្ថយថ្លៃចំណាយ និងបង្កើតសមត្ថភាពលើរថយន្តអគ្គិសនីរបស់ខ្លួនផងដែរ។
Toyota សង្ឃឹមថានឹងទទួលការផ្គត់ផ្គង់អាគុយសរុប ២០០ជីហ្គាវ៉ាត់ម៉ោងនៅត្រឹមឆ្នាំ២០៣០ កើនឡើងពីគោលដៅចាស់ដែលមាន ១៨០ជីហ្គាវ៉ាត់។ ជាមួយគោលដៅថ្មីនេះអាចឲ្យ Toyota លក់រថយន្តអគ្គិសនីបានចំនួន ៨លានគ្រឿងត្រឹមឆ្នាំ២០៣០ ដែលក្នុងនោះមានរថយន្តអគ្គិសនីសុទ្ធ និងរថយន្តអ៉ីដ្រូហ្សែនចំនួន ២លានគ្រឿងផងដែរ៕
