ប្រធានក្រុមហ៊ុន Toyota លោក Akio Toyoda បានប្រាប់ក្រុមវិស្វកររបស់លោកថា រថយន្ត Toyota 86 មិនត្រូវធ្វើឲ្យមានអារម្មណ៍ដូចចម្លងពី Subaru BRZ ឡើយ ហើយនឹងចំណាយពេលខ្លះ ដើម្បីធានាឲ្យសម្រេចបាន។ នេះបើយោងតាមរបាយការណ៍ពីបណ្តាញរថយន្ត Best Car Web។
ប្រភពខាងលើបានបន្ថែមឲ្យដឹងទៀតថា ដើម្បីសម្រេចគោលដៅនេះបាន ក្រុម Development Team ត្រូវបានគេនិយាយថា កំពុងសម្លឹងមើលប្រអប់លេខថ្មី ហើយថែមទាំងផ្លាស់ប្តូរការតំឡើងម៉ាស៊ីនទៀតផង។
ផ្ទាំងផ្សាយពាណិជ្ជកម្ម
Toyota ហាក់បីដូចជាមានការប្តេជ្ញាចិត្តខ្លាំងណាស់ ក្នុងការធ្វើឲ្យរថយន្តស្ព័រខ្នាតតូចនេះមានភាពខុសគ្នាពី រថយន្ត Subaru BRZ។
គួររំលឹកឲ្យដឹងដែរថា ដំបូងឡើយ Toyota មានបំណងត្រៀមខ្លួនដើម្បីបញ្ចេញរថយន្ត Toyota 86 នៅចុងឆ្នាំ២០២១ ប៉ុន្តែឥឡូវនេះវាបានពន្យាពេលដល់ចុងឆ្នាំ ២០២២ វិញហើយ៕
ផ្ទាំងផ្សាយពាណិជ្ជកម្ម
