[ទីផ្សារបរទេស] ក្រុមហ៊ុន Volkswagen បានប្រកាសថាខ្លួននឹងបង្កើតដៃគូរសហការរួមគ្នាជាមួយក្រុមហ៊ុនផលិតបន្ទះឈីបរបស់អាមេរិក Qualcomm ដើម្បីអភិវឌ្ឍបច្ចេកវិទ្យាបើកបរដោយស្វ័យប្រវត្តិ ។ នេះបើយោងតាមការចុះផ្សាយរបស់សារព័ត៌មាន CNA ។
សម្រាប់ក្រុមហ៊ុនផលិតរថយន្ត Volkswagen និងក្រុមហ៊ុនផលិតបន្ទះឈីប Qualcomm របស់អាមេរិក នឹងចុះកិច្ចព្រមព្រៀងដំណើរការជាមួយគ្នារហូតដល់ឆ្នាំ ២០៣១ ។ នេះបើតាមកាសែតអាល្លឺម៉ង់ Handelsblatt រាយការណ៍កាលពីថ្ងៃចន្ទ។
បន្ថែមពីកាសែតអាល្លឺម៉ង់ Handelsblatt បានបន្តទៀតថា ក្រុមហ៊ុនផលិតរថយន្ត Volkswagen នឹងប្រើប្រាស់ប្រព័ន្ធនៅលើបន្ទះឈីប (SoC) របស់ក្រុមហ៊ុន Qualcomm ដែលបង្កើតឡើងជាពិសេសសម្រាប់ការបើកបរដោយស្វ័យប្រវត្តិលើគ្រប់ម៉ាករថយន្តទាំងអស់ទូទាំងពិភពលោកចាប់ពីឆ្នាំ ២០២៦ នេះតទៅ។
គួររលឹកផងដែរថាក្រុមហ៊ុនផលិតរថយន្ត Volkswagen របស់អាល្លឺម៉ង់នេះនឹងចំណាយទឹកប្រាក់ប្រមាណជាង ១ ពាន់លានអឺរ៉ូ ទៅលើគម្រោងនេះ៕
