ក្រុមហ៊ុនរថយន្តអាល្លឺម៉ង់ Volkswagen ចង់ក្លាយខ្លួនជាក្រុមហ៊ុនផលិតរថយន្តអគ្គិសនីធំជាងគេនៅលើពិភពលោកត្រឹមឆ្នាំ ២០២៥ ដែលមានន័យថានឹងផ្ដួល Tesla យកតំណែងកំពូល។
ពេលបង្ហាញយុទ្ធសាស្ត្ររបស់ខ្លួនកាលពីថ្មីៗនេះ ក្រុមហ៊ុន Volkswagen និយាយដោយរំពឹងថារថយន្តប្រើប្រាស់អាគុយនឹងមានចំណែក ៥០% នៃចំនួនលក់សរុបរបស់ខ្លួនលើសកលលោក នៅត្រឹមឆ្នាំ ២០៣០។ មុនរឿងនេះកើតឡើង Volkswagen រំពឹងថានឹងវ៉ាក្រុមហ៊ុន Tesla ជាមួយចំនួនលក់នៃរថយន្តអគ្គិសនីនៅត្រឹមឆ្នាំ ២០២៥ ផងដែរ ទោះបីជានៅឆ្នាំ ២០២០ រថយន្តអគ្គិសនីមានចំណែកតែ ៣% នៃចំនួនលក់សរុបរបស់ Volkswagen ក្ដី។
ផ្ទាំងផ្សាយពាណិជ្ជកម្ម
សម្លឹងកាន់តែឆ្ងាយទៀតទៅកាន់អនាគត ក្រុមហ៊ុន Volkswagen ប៉ុនប៉ងថា នៅត្រឹមឆ្នាំ ២០៤០ រថយន្តដែលដាក់លក់លើទីផ្សារធំនឹងមានមួយចំនួនធំគឺជារថយន្តអគ្គិសនី ហើយនៅឆ្នាំ ២០៥០ ក្រុមហ៊ុននឹងមានលក់តែរថយន្តអគ្គិសនីសុទ្ធ៕
ផ្ទាំងផ្សាយពាណិជ្ជកម្ម
