[បរទេស] ក្រុមហ៊ុនផលិតរថយន្ត Volvo បានធ្វើការដាក់បង្ហាញចេញនៅរថយន្តអគ្គិសនីសុទ្ធ Volvo EX30 Cross Country ស៊េរីឆ្នាំ ២០២៥ នៅទីផ្សារប្រទេសស៊ុយអែត ជាមួយតម្លៃលក់ចាប់ពី ៥៨ ៥៧២ ដុល្លារ ។
Volvo EX30 Cross Country បំពាក់ដោយម៉ូទ័រអគ្គិសនីចំនួន ២ អាចផលិតកម្លាំងបានសរុប ៤២៨ សេះ ផ្គួបជាមួយអាគុយទំហំ ៦៩ គីឡូវ៉ាត់ម៉ោង ដែលអាចផ្តល់ចម្ងាយបើកបរបាន ៤២៧ គីឡូម៉ែត្រនៅពេលសាកថ្មពេញម្តង ។
សម្រាប់រូបរាង និងការឌីស្សាញផ្នែកខាងក្រៅរបស់រថយន្ត Cross Country គឺមានភាពហាប់ណែនជាងម៉ូដែលស្តង់ដារដែលផ្តោតទៅលើការបើកបរ Off-road ដោយបានភ្ជាប់មកជាមួយប៉ាណា និងកាងផ្នែកខាងមុខពណ៌ខ្មៅ ក៏ដូចជាប្រើប្រាស់នៅចង្កៀងមុខ-ក្រោយប្រភេទ LED បន្ថែមនៅកាងដែក roof-rial លើដំបូល ព្រមទាំងថាសកង់ពណ៌ខ្មៅទំហំ ១៩ អ៉ីញស្រោបដោយសំបក់ក្រាស់ផងដែរ ។
ចំពោះនៅផ្នែកខាងក្នុងមានអេក្រង់កំសាន្ត touchscreen ទំហំ ១២,៣ អ៉ីញ អាចប្រើប្រព័ន្ធប្រតិបត្តិការ Google built-in រួមទាំងប្រព័ន្ធកាមេរ៉ា ៣៦០ដឺក្រេ ប្រព័ន្ធជំនួយពេលចូលចត Park Pilot assistant ជាដើម ៕
