ក្រុមហ៊ុន Volvo បានក្លាយជាក្រុមហ៊ុនផលិតរថយន្តចុងក្រោយបង្អស់មួយ ដែលបានធ្វើបច្ចុប្បន្នភាពឡូហ្គូរបស់ខ្លួន ដោយទទួលយកកំណែដែលសាមញ្ញជាងមុននៃនិមិត្តសញ្ញា “Iron Mark” ដ៏ល្បីល្បាញ។
និមិត្តសញ្ញា Iron Mark ដែលរចនាឡើងថ្មីនេះ មានលក្ខណៈបែប 2D, សាមញ្ញ និងមានពណ៌ខ្មៅ។ បើប្រៀបធៀបជាមួយនឹងឡូហ្គូចាស់ វាមានលក្ខណៈបែប minimalist ជាងការរចនា 3D ចាស់ដែលបានប្រើពីមុនមក។
ខណៈពេលដែលក្រុមហ៊ុន Volvo បានបញ្ជាក់ថា ខ្លួនពិតជាបានធ្វើបច្ចុប្បន្នភាពឡូហ្គូ Iron Mark របស់ខ្លួនមែន ប៉ុន្តែវាមិនទាន់ច្បាស់ទេថា តើពេលណាទើបក្រុមហ៊ុនផលិតរថយន្តស៊ុយអែតខាងលើ នឹងចាប់ផ្តើមប្រើវានៅលើរថយន្តរបស់ខ្លួន។
បើយោងតាមសារព័ត៌មានរថយន្តម៉ាឡេស៊ី Paul Tan បានអះអាងថា ក្រុមហ៊ុន Volvo អាចបន្តប្រើឡូហ្គូបច្ចុប្បន្នរហូតដល់ឆ្នាំ ២០២២ មុននឹងប្តូរទៅការរចនាថ្មី ចាប់ពីឆ្នាំ ២០២៣ តទៅ។
គួរឲ្យដឹងដែរថា ក្រុមហ៊ុន Volvo បានប្រើប្រាស់ឡូហ្គូ Iron Mark របស់ខ្លួន តាំងពីឆ្នាំ ១៩៣០ មកម្ល៉េស ទោះបីជាវាបានឆ្លងកាត់ការផ្លាស់ប្តូរជាច្រើនឆ្នាំមកហើយក្តី៕
