ក្នុងនោះ សម្រាប់តម្លៃរបស់រថយន្ត Volvo XC70 PHEV ដែលផលិតនៅប្រទេសចិនរបស់ក្រុមហ៊ុន Volvo នេះ គឺមានតម្លៃលក់ខ្ទង់តែ ៤១ ៩០០ដុល្លារ ដល់ ៤៦ ១០០ដុល្លារ ប៉ុណ្ណោះ នៅក្នុងទីផ្សារប្រទេសចិន ខណៈនៅក្នុងពេលបច្ចុប្បន្ននេះ រថយន្តនេះគឺត្រូវបានបើកកក់ឲទិញទុកមុនហើយ។
រថយន្ត XC70 នេះ ត្រូវបានផលិតឡើងនៅលើគ្រោងឆ្អឹង SMA មានប្រវែងសរុប ៤ ៨១៥ ម. ទទឹង ១ ៨៩០ ម.ម កម្ពស់ ១ ៦៥០ ម.ម និងប្រវែងគម្លាតកង់ ២ ៨៩៥ ដំណើរការដោយម៉ាស៊ីនចំណុះ ១.៥លីត្រ turbocharged អាចផលិតកម្លាំងបាន ១៦១សេះ រួមជាមួយម៉ូទ័រអគ្គិសនីចំនួន ៣ អាចផលិតកម្លាំងបាន ៨០, ១៤៣ និង ២០៩សេះ។
- សម្រាប់ជម្រើស 4WD ទទួលបានកញ្ចប់អាគុយទំហំ ៣៩,៦គីឡូវ៉ាត់ម៉ោង អាចបើកបរបានបានចម្ងាយ ១៨០គីឡូម៉ែត្រ ដោយអគ្គិសនីសុទ្ធ និងសរុប ១ ២០០គីឡូម៉ែត្រ។
- សម្រាប់ជម្រើស 2WD ទទួលបានកញ្ចប់អាគុយទំហំ ២១,២២គីឡូវ៉ាត់ម៉ោង អាចបើកបរបានបានចម្ងាយ ១០០គីឡូម៉ែត្រ ដោយអគ្គិសនីសុទ្ធ និងមានកម្រិតសុីប្រេងត្រឹមតែ ៥,៨៥លីត្រ ប៉ុណ្ណោះ ក្នុង ១០០គីឡូម៉ែត្រ។
ចំពោះការរចនាវិញ ក៏ទទួលបាននូវថ្មីផងដែរ ពោលគឺនៅផ្នែកខាងមុខ ទទួលបាននូវអំពូលបំភ្លឺពេលថ្ងៃ Thor’s Hammer ចំណែកនៅផ្នែកខាងក្រោយវិញ មានការរចនាបែប Viking Ax ដដែល។ លើសពីនេះ ក៏ទទួលបាននូវប្រព័ន្ធជំនួយការបើកបរកម្រិតខ្ពស់ដែលរួមបញ្ចូលនូវឧបករណ៍ចាប់សញ្ញាចំនួន ២៤ចំនុច ផងដែរ។
ចំណែកនៅផ្នែកខាងក្នុងវិញ គឺទទួលបាននូវអេក្រង់កម្សាន្តទំហំ ១៥,៤អ៊ីញ, កុងទ័រឌីជីថលទំហំ ១២,៣អ៊ីញ, អេក្រង់ AR-HUD ទំហំ ៩២អ៊ីញ, ឧបករណ៍បំពងសំឡេង Harman Kardon ចំនួន ២៣ចំនុច, កន្លែងសាកឥតខ្សែកម្លាំង 50W និងពោងសុវត្ថិភាពចំនួន ៧ចំនុច៕
