ជំងឺរាតត្បាតកូវីដ១៩ បានធ្វើឲ្យប៉ះពាល់ដល់ឧស្សាហកម្មយានយន្តយ៉ាងធ្ងន់ធ្ងរ ដែលបានបង្ខំឲ្យក្រុមហ៊ុនផលិតរថយន្តជាច្រើននៅជុំវិញពិភពលោក រួមមាន Volkswagen Group ត្រូវផ្អាកការផលិតរបស់ខ្លួន។ VW កាលពីសប្ដាហ៍មុនបានប្រកាសអំពីការបិទប្រតិបត្តិការនៅទូទាំងអឺរ៉ុបដោយសារកូវីដ១៩។
យ៉ាងណាក្ដីបើតាមការចុះផ្សាយរបស់ Automative News Europe បានឲ្យដឹងថា VW នៅត្រូវចំណាយលុយសុទ្ធ ២,២ ពាន់លានដុល្លារក្នុងមួយសប្ដាហ៍អំឡុងពេលបិទប្រតិបត្តិការនេះ ដែលវាជាខ្ទង់ចំណាយមួយមិនមានក្រុមហ៊ុនរថយន្តណាអាចធ្វើបានរហូតនោះទេ។
ផ្ទាំងផ្សាយពាណិជ្ជកម្ម
VW កំពុងតែសិក្សាលើជម្រើសគ្រប់យ៉ាងដែលមានដើម្បីអាចឆ្លងផុតនូវវិបត្តិកូវីដ១៩នេះ ដែលក្នុងនោះអាចមានការបន្ថយការងារ និងការខ្ចីលុយពីធនាគារជាដើម៕
ផ្ទាំងផ្សាយពាណិជ្ជកម្ម
