[ទីផ្សារបរទេស] ក្រុមផលិតរថយន្ត WEY បានធ្វើការបញ្ចេញរថយន្ត WEY TANK300 HEV ឬ hybrid version នឹងត្រៀមបង្ហាញខ្លួននៅប្រទេសថៃក្នុងកម្មវិធី Motor Show 2022 ចន្លោះពីថ្ងៃទី ២៣ ខែមីនា ដល់ថ្ងៃទី ៣ ខែមេសា ឆ្នាំ ២០២២ មុននឹងដាក់លក់នៅប្រទេសថៃឆាប់ៗនេះ។
ចំពោះផ្នែកខាងក្រៅនៃរថយន្ត WEY TANK300 HEV ដែលប្រើប្រាស់ម៉ាស៊ីនកូនកាត់ Hybrid មកជាមួយតួពណ៌ស និងខៀវ ជាមួយនឹងតួអក្សរ HYBRID បង្ហាញយ៉ាងច្បាស់ពីអត្តសញ្ញាណម៉ាក និងថាសកង់ alloy ទំហំ ១៨ អ៊ីញជាដើម។
សម្រាប់ផ្នែកខាងក្នុងរបស់រថយន្ត WEY TANK300 HEV ត្រូវបានតុបតែងដោយពណ៌ខ្មៅ និងស ដែលផ្តល់នៅភាពប្រណិត និងផាសុកភាព ដោយមានបំពាក់ជាមួយអេក្រង់ ប្រភេទLCD, អេក្រង់កណ្តាលទំហំ ១២,៣ អ៊ីញ, រន្ធម៉ាស៊ីនត្រជាក់រាងមូល និងចង្គឹះលេខអេឡិចត្រូនិច hybrid។
ចូលទៅកាន់ផ្នែកម៉ាស៊ីនវិញ រថយន្ត WEY TANG300 HEV ដំណើរការដោយម៉ាស៊ីន hybrid ចំណុះ ២,០ លីត្រ 9HAT ផលិតកម្លាំងបាន ២៤៥ សេះ និងកម្លាំងរមួល ៣៨០ ញ៉ូតុនម៉ែត្រ អាចបង្កើនល្បឿនពី ០-១០០ គីឡូម៉ែត្រ រយៈពេល ៧,៩ វិនាទី AWD drivetrain មាន ៩ របៀបបើកបរខុសៗគ្នា៕
