[ទីផ្សារបរទេស] ក្រុមហ៊ុនផលិតរថយន្តបណ្តាក់ទុនរួមគ្នា SIAC GM និង Wuling បានធ្វើការដាក់បង្ហាញចេញនៅរថយន្តអគ្គិសនីសុទ្ធ Wuling Z EV ស៊េរីថ្មីចុងក្រោយ គ្រោងនឹងដាក់ចេញលក់ជាផ្លូវការនៅឆ្នាំ ២០២៥ ក្នុងទីផ្សារប្រទេសចិន ជាមួយតម្លៃលក់ចាប់ពី ៦ ៨៥០ ដុល្លារ ។
Wuling Z EV បំពាក់ម៉ូទ័រអគ្គិសនីចំនួន ១ អាចផលិតកម្លាំងបាន ៤០ សេះ និងអាគុយទំហំ ២៦,៥ គីឡូវ៉ាត់ម៉ោង អាចបើកបរបានចម្ងាយ ២០០ គីឡូម៉ែត្រនៅពេលសាកថ្មពេញម្តង ។
រថយន្តប្រភេទ Kei-car នេះមានប្រវែងតួខ្លួនសរុប ៣ ៦៨៥ ម.ម ទទឹង ១ ៥៣០ ម.ម កំពស់ ១ ៧៥០ ម.ម និងប្រវែងគម្លាតកង់មុខ-ក្រោយ ២ ៦០០ ម.ម ។ សម្រាប់រូបរាង និងការឌីស្សាញផ្នែកខាងក្រៅមានលក្ខណៈបែបជ្រុងស្រដៀងទៅនឹងម៉ូដែល Wulling Hongguang Mini EV ប្រើប្រាស់ទ្វារចំហៀងប្រភេទរូត ក៏ដូចជាចង្កៀងមុខ-ក្រោយ LED ជាដើម ។
ចំពោះនៅផ្នែកខាងក្នុងផ្តល់នៅទំហំ ១ ១១៧លីត្រនៅពេលបត់អីទាំងអស់ចុះក្រោម លើសពីនេះ ក៏មានគ្រឿងបន្ថែមផ្សេងៗដូចជា តុបត់ដែលមានមុខងារច្រើនមុខ កន្លែងដាក់ដបទឹក និងកន្លែងដាក់ទូរសព្ទដៃផងដែរ ៕
