ក្រុមហ៊ុនផលិតស្មាតហ្វូនដ៏ធំរបស់ចិនបានបញ្ជាក់ជាផ្លូវការថាខ្លួននឹងចាប់ផ្ដើមអាជីវកម្មផលិតរថយន្តអគ្គិសនី ដែលចាប់ផ្ដើមជាមួយការបណ្ដាក់ទុននូវទឹកប្រាក់ទំហំប្រមាណ ១,៥ពាន់លានដុល្លារ និងកញ្ចប់លុយ ១០ពាន់លានដុល្លារបន្ថែមទៀតសម្រាប់រយៈពេល១០ឆ្នាំខាងមុខ។
Xiaomi បានននិយាយថាខ្លួននឹងបង្កើតក្រុមហ៊ុនសាខាមួយដើម្បីប្រតិបត្តិការលើអាជីវកម្មផលិតរថយន្តអគ្គិសនី ប៉ុន្តែមិនបានបង្ហើបអំពីផែនការលក់រថយន្ត ថានឹងបញ្ចេញលក់ពេលណា ឬនឹងលក់នៅលើទីផ្សារណាខ្លះនោះទេ។
យ៉ាងណាក្ដី Xiaomi បានបញ្ជាក់ថា លោក Lei Jun ដែលជាស្ថាបនិក និងជានាយកប្រតិបត្តិ Xiaomi នឹងកាន់កាប់តំណែងជានាយកប្រតិបត្តិនៅក្រុមហ៊ុនសាខាថ្មីផ្ទាល់តែម្ដង។
Xiaomi គឺជាក្រុមហ៊ុនបច្ចេកវិទ្យាចិនចុងក្រោយគេមួយដែលសម្រេចចិត្តឈានជើងចូលឧស្សាហកម្មរថយន្តអគ្គិសនី ដែលជាឧស្សាហកម្មកំពុងរីកចម្រើនខ្លាំងបំផុតមួយ។ កាលពីថ្មីៗនេះក្រុមហ៊ុនចិន Baidu ដែលជាក្រុមហ៊ុន Search Engine ធំមួយក៏បានប្រកាសដែរថាខ្លួននឹងចាប់ផ្ដើមការផលិតរថយន្តអគ្គិសនីដោយនឹងពឹងពាក់លើក្រុមហ៊ុន Geely ជាជំនួយ៕
