ក្រុមហ៊ុនរថយន្តជប៉ុន Nissan បានបញ្ចេញតម្លៃនៃរថយន្ត GT-R ស៊េរីឆ្នាំ២០២១ ជាផ្លូវការ សម្រាប់ទីផ្សារសហរដ្ឋអាមេរិក។
សម្រាប់ស៊េរីឆ្នាំ២០២១ នេះ GT-R នៅតែបែងចែកចេញជា ២ម៉ូដែល គឺ GT-R Premium មានតម្លៃចាប់ពី ១១៣ ៥៤០ដុល្លារ និង GT-R Nismo មានតម្លៃចាប់ពី ២១០ ៧៤០ដុល្លារ។
ផ្ទាំងផ្សាយពាណិជ្ជកម្ម
រថយន្ត Nissan GT-R Premium បំពាក់ម៉ាស៊ីនចំណុះ ៣,៨លីត្រ twin-turbo V6 មានកម្លាំង ៥៦៥សេះ ប្រើប្រអប់លេខអូតូ ៦វគ្គ និងប៉ុងពីរ AWD។ ដោយឡែក GT-R Nismo វិញ បំពាក់ម៉ាស៊ីនចំណុះ ៣,៨លីត្រ twin-turbo V6 ដូចគ្នា ប៉ុន្តែមានកម្លាំងដល់ ៦០០សេះ។
ក្រៅពីកម្លាំងខ្លាំងជាង GT-R Nismo ក៏មានចំណុចខុសគ្នាមួយចំនួនពី GT-R Premium ដែរ ដូចជា មានបំពាក់ដៃចង្កូតកាំម្ញី, ចង្កឹះលេខស្រោបដោយស្បែក រំលេចដោយពណ៌ក្រហម និង មានកុងទ័រពណ៌ក្រហម ជាដើម។ មិនតែប៉ុណ្ណោះ វាក៏បំពាក់កៅអីស្បែក Recaro ផងដែរ៕
ផ្ទាំងផ្សាយពាណិជ្ជកម្ម
