[បរទេស] ក្រុមហ៊ុនផលិតរថយន្ត MG បានធ្វើការដាក់បង្ហាញចេញនៅរថយន្តអគ្គិសនីសុទ្ធ MG Cyberster បែបស្ព័រនៅឯពិព័រណ៌រថយន្ត Shanghia Auto Show 2023 ។ ក្នុងនោះ Cyberster នឹងមានលក់នៅខាងក្រៅទីផ្សារប្រទេសចិន ជាមួយនឹងការចាប់ផ្តើមទីផ្សាររបស់ខ្លួននៅអឺរ៉ុប និងចក្រភពអង់គ្លេសនៅឆ្នាំ ២០២៤ ។
MG Cyberster ផ្តល់នៅការរចនាសំខាន់ៗមួយចំនួនរបស់ Roadster រួមទាំងដំបូលក្រណាត់ដែលអាចដកចេញបាន និងផ្នែកខាងក្រោយណ៌ខ្មៅជាមួយនឹងឡូហ្គោ MG ទ្វារបើកដូចទៅរថយន្តរបស់ Lamborghini ។ ខណះ នៅផ្នែកខាងក្រោយ មានចង្កៀងប្រភេទ LED រចនាជាខ្សែបន្ទាត់អូសកាត់ផ្នែកសងខាង និងបំពង់ស៊ីមាំងចំនួន ២ ។
ចំពោះ នៅខាងក្នុងកាប៊ីនវិញ មានកៅអីចំនួន ២ ដែលរចនាម៉ូដពណ៌ក្រហម បំពាក់កុងទ័រឌីជីថលរាងកោង និងការគ្រប់គ្រង touch-sensitive control នៅលើកុងសូលកណ្តាល ដែលផ្តល់ឱ្យរថយន្តនៅអារម្មណ៍ដល់អ្នកបើកបរបែបលក្ខណះអនាគត។
ចូលទៅកាន់ផ្នែកម៉ាស៊ីនវិញ MG Cyberster នឹងមានមកជាមួយជំម្រើសម៉ាស៊ីនចំនួន ២ គឺ ម៉ូទ័រអគ្គិសនីចំនួន ១ អាចផលិតកម្លាំងបាន ៣១០ សេស ប៉ុង ១ និងម៉ូទ័រអគ្គិសនីចំនួន ២ អាចផលិតកម្លាំងបាន ៥៣៦ សេស ប៉ុង ២ ផ្គួបជាមួយអាគុយលីចូម ដែលផលិតដោយក្រុមហ៊ុន SAIC ៕
